Տնտեսական10:46, 04 Նոյեմբեր 2021
Թուրքիան դարձել է ամենամեծ ծավալով հացահատիկ ներկրող երկիրն աշխարհում
Թուրքիայում ազգայնական ընդդիմադիր «Լավ» կուսակցության պատգամավոր Դուրսուն Աթաշը և գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) պատգամավոր Մեհմեթ Գյոքերը քննադատել են երկրի իշխանությունների ագրարային քաղաքականությունը։
Թուրքիան 2020-ին դարձել է ամենամեծ ծավալով հացահատիկ ներկրող երկիրն աշխարհում։ 2019-ին Թուրքիայի հացահատիկի ներմուծման ծավալները գումարային արտահայտմամբ կազմել էին 2.3 մլրդ դոլար։
2020թ. 9 մլն 750.000 տոննա չափով ցորենի ներկրմամբ մենք նույնիսկ առաջ ենք անցել 1.4 մլրդ բնակչություն ունեցող Չինաստանից։ Մենք այնպիսի վիճակում ենք հայտնվել, որ ցորեն ենք ներկրում Կանադայից ու Մեքսիկայից։
Աթաշը նշել է, որ մինչև իշխող «Արդարություն և զարգացում կուսակցության» (ԱԶԿ-AKP) կառավարման շրջանը ցորենի գենային կենտրոնը Թուրքիան էր, իսկ հացահատիկի ամբարը՝ «Անատոլիան»(Թուրքիայի արևելյան շրջաններ)։
«Սակայն գյուղատնտեսական անհաջող քաղաքականության պատճառով այնպիսի վիճակում հայտնվեցինք, որ նույնիսկ ցորեն ենք ներկրում։ Մեր մշակած ընդհանուր ցորենի կեսը ներմուծում ենք արտերկրից»,- ասել է ընդդիմադիր գործիչը։
Նրա հաղորդմամբ՝ 2020թ. Թուրքիան ցորենի ներկրման համար վճարել է 2.3 մլրդ դոլար։ Ընդ որում եթե իր հողագործից ցորենը գնել է 2.480 թուրքական լիրայով, ապա ներկրման համար վճարել է 3.230 լիրա։
ԺՀԿ-ական պատգամավոր Մեհմեթ Գյոքերն իր հերթին հայտնել է, որ 2003թ. սկսած Թուրքիայում մոտ 654.000 հողագործ դադարել է զբաղվել գյուղատնտեսությամբ։
Նշենք, որ նախորդ տարիներին ներմուծման ծավալների շարունակական ու արագ աճը Թուրքիայի պատկան մարմինները բացատրում էին, նրանով, որ ներմուծված հումքից ալյուր ու մակարոն է արտադրվում ու արտահանվում։ Այս փաստարկը, սակայն, համոզիչ չի թվում մի շարք մասնագետների, որոնց պնդմամբ թուրք հողագործները սկսել են ցորեն չցանել, քանի որ դրա եկամտաբերությունը լավ չէ երկրում։ Այս պահին էլ երկրում ավելի քան 4 մլն հեկտար ցանքատարածություններ դատարկ են մնում։
Այս ենթաբաժնի վերջին նորությունները
ԱՄՆ-ի երկրորդական պատժամիջոցների պատճառով տվյալ երկրների բանկերը գործարքներում առավել զգույշ են գործում։
Իրանի քաղաքացիներն ավելացրել են իրենց ճանապարհորդությունները դեպի Թուրքիա և Ստամբուլ դեռևս հունվարին։
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |