ԱՄՆ-ի կոնգրեսականները պետքարտուղարությանը կոչ են արել F-16 կործանիչներ չվաճառել Թուրքիային

Քաղաքական21:22, 02 Նոյեմբեր 2021

ԱՄՆ-ի կոնգրեսականները պետքարտուղարությանը կոչ են արել F-16 կործանիչներ չվաճառել Թուրքիային

ԱՄՆ Կոնգրեսի ստորին` Ներկայացուցիչների պալատի 41 անդամ նամակով դիմել է ԱՄՆ պետքարտուղար Էնթոնի Բլինքենին՝ կոչ անելով Թուրքիային F-16 ռազմական ինքնաթիռներ չվաճառել։

Նամակում կոնգրեսականները շեշտել են, որ ԱՄՆ-ն բազմիցս դեմ է արտահայտվել Թուրքիայի կողմից ռուսական «Ս-400» ՀՕՊ համակարգերի գնման դեմ և քանի դեռ Թուրքիան չի հրաժարվել իր որոշումից CAATSA տեսակի պատժամիջոցները պետք է շարունակվեն։

Ըստ կոնգրեսականների՝ Թուրքիայի նախագահ Ռեջեփ Թայիփ Էրդողանին չի հետաքրքրում ԱՄՆ-ի կիրառած պատժամիջոցների, F-35 կործանիչների ծրագրից դուրս մնալու, զենքի վաճառքի էմբարգոյի տակ հայտնվելու պատճառները, հակառակը՝ նա տրամադրված է ռուսական ՀՕՊ համակարգերի նոր խմբաքանակի գնմամբ։

Հիշեցնելով, որ Թուրքիան F-35-երի ծրագրից դուրս էր թողնվել, քանի որ դրանք և «Ս-400» ՀՕՊ-երը չեն կարող գտնվել մեկ ընդհանուր համակարգի մեջ՝ կոնգրեսականները շեշտել են, որ քանի դեռ Թուրքիան չի հրաժարվել ռուսական համակարգերից նույն վտանգն առկա է նաև արդիականացված F-16 ինքնաթիռների դեպքում։

«Հաշվի առնելով, որ արդիականացված F-16-երը դեռ մեր և մեր վստահելի դաշնակիցների համար կարևոր դեր է կատարում՝ մենք ճիշտ չենք համարում նման ռիսկի հնարավորությունը»,-նշված է նամակում։

Աղբյուր` Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»