ERMENI HABER AJANSI

Թուրքիայում «MetroPOLL Research» կազմակերպության իրականացրած հետազոտության համաձայն՝ հասարակության 80.6%-ը կարծում է, որ տնտեսությունը վատ է կառավարվում։ Իրենց ձայնը իշխող Արդարություն և զարգացում կուսակցությանը (ԱԶԿ-AKP) տված ընտրողների 61.4%-ը գոհ չէ տնտեսության կառավարումից։

Հետազոտության ուշագրավ արդյունքները Twitter-ում հրապարակել է ընկերության սեփականատեր Օզեր Սենջարը։

Նա մասնավորապես նշել է, որ քանի դեռ այս պատկերն է իշխանությունները դժվար թե արտահերթ ընտրությունների ցանկություն ունենան։

Հարցման մասնակիցներին տրվել է հետևյալ հարցը. «Վերջերս մեր երկրում տնտեսությունը լա՞վ է կառավարվում, թե՞ վատ»:

Մասնակիցների 80,6 տոկոսը պատասխանել է «Կարծում եմ՝ վատ է կառավարվում»։ ԱԶԿ-ի ընտրողների 61.4 տոկոսը ևԱզգայնական շարժում  (MHP-ԱՇԿ)-ի ընտրողների 80.7 տոկոսը կարծում են, որ տնտեսությունը սխալ է կառավարվում։

Նրանք, ովքեր կարծում են, որ տնտեսությունը ճիշտ է կառավարվում կազմում են հարցվածների ընդամենը 16.3%-ը։ «Գաղափար չունեմ / պատասխան չունեմ» ասողների ցուցանիշը կազմել է 3.1%։