Սատանովսկի. «Ռուս խաղաղապահները Լեռնային Ղարաբաղում մեծ և տհաճ անակնկալ էին Էրդողանի համար»

Քաղաքական13:27, 01 Նոյեմբեր 2021

Սատանովսկի. «Ռուս խաղաղապահները Լեռնային Ղարաբաղում մեծ և տհաճ անակնկալ էին Էրդողանի համար»

Ռուս հայտնի քաղաքագետ Եվգենի Սատանովսկին «Regionmonitor» լրատվամիջոցի հետ զրույցում անդրադարձել է Ղրիմի հարցում Թուրքիայի քաղաքականության, Սիրիայում նոր ռազմական գործողության հավանականության, ինչպես նաև 44-օրյա պատերազմից հետո Հարավային Կովկասում ստեղծված իրավիճակին:

Մասնագետների շրջանում հիմնականում առկա է երկու կարծիք 44-օրյա պատերազմից հետո Թուրքիայի ձեռքբերումների վերաբերյալ: Առաջինն այն է, որ Թուրքիան մեծացրել է իր ազդեցությունը Հարավային Կովկասում, մասնավորապես Ադրբեջանում և Անկարան այդ առումով դարձել է տարածաշրջանի հիմնական խաղացողներից մեկը: Մասնագետների մյուս մասը կարծում է, որ չնայած տեղի ունեցած փոփոխություններին՝ Թուրքիայի դերակատարումը տարածաշրջանում սահմանափակվել է: Եվ սահմանափակող գործոնը Ռուսաստանի Դաշնությունն է: Կարո՞ղ ենք ասել, որ Թուրքիան ռեգիոնում հասավ իր բոլոր նպատակներին արցախյան 44-օրյա պատերազմի ավարտից հետո:

- Բոլորովին ոչ: Թուրքիայի նպատակն էր լիովին վերահսկողություն սահմանել Ադրբեջանում տիրող իրավիճակի և զարգացումների վրա: Այժմ Թուրքիայի նպատակն է նաև վերահսկողություն սահմանել Հայաստանի տարածքի նկատմամբ, նվազագույնը տնտեսական առումով: Սա շատ բարդ խնդիր է, բայց այնուամենայնիվ Թուրքիան ունի նման նկրտումներ և Անկարան մշակում է համապատասխան ծրագրեր այդ առումով, հիմնվելով Բալկանների փորձի վրա: Թուրքիան այժմ վերականգնում է Բարձր Դուռը (Օսմանյան կայսրության կառավարություն-խմբ), այդ թվում հետխորհրդային տարածաշրջանում, առաջին հերթին թյուրքախոս երկրներիում: Եվ պետք է ասել, որ որոշակի քայլեր Թուրքիան անում է այդ գծով:

Կարելի՞ է արդյոք համարել, որ Թուրքիան ստացավ այն ամենը, ինչ ցանկանում էր: Իհարկե ոչ: Պատահական չէ, որ համացանցի թուրքական տիրույթում թուրք օգտատերերի շրջանում նկատվում էին քննադատություններ Էրդողանի հասցեին: Նրանք համարում էին, որ Էրդողանի խաղից շահեց Պուտինը, քանի որ ռուսական խաղապահ առաքելությունը Լեռնային Ղարաբաղում մեծ և տհաճ անակնկալ էր Թուրքիայի նախագահի համար: Հետագայում արդեն կտեսնենք, թե ինչպես են թուրքերը աշխատելու ադրբեջանցիների հետ: Թուրքիայի նոր քաղաքականության մեջ Շուշիի դեկլարացիան ավելի կարևոր գործոն է, քան թե ղարաբաղյան 2-րդ պատերազմի արդյունքները:

Ամբողջական հարցազրույցը՝ այստեղ:

Աղբյուր` Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»