Տարածաշրջան16:18, 26 Հոկտեմբեր 2021
Քուրդ-արաբական դաշինքն այն ուժն է, որը կկասեցնի Թուրքիայի նեոօսմանական երազանքները
«Քրդական համայնքների միության» գործադիր խորհրդի համանախագահ Ջեմիլ Բայըքը պատասխանել է արաբալեզու «Al Nahar» թերթի հարցերին։ Նա ընդգծել է քուրդ-արաբական հարաբերությունների կարևորությունը։
Քուրդ-արաբական հարաբերությունների մասին հարցին Բայըքը պատասխանել է. «Մենք նպատակադրվել ենք արաբա-քրդական դաշինք ձևավորել: Մենք ամեն առիթով դրա մասին հայտարարել ենք: Դրա հեռանկարը արտահայտել ենք թե՛ դիվանագիտական ուսումնասիրությունների մեջ և թե՛ ներկայացրել ենք համապատասխան կառույցներին: Որոշ զարգացումներ եղան: Սակայն այդ զարգացումները չեն արտացոլում առկա ողջ հնարավորությունները: Քուրդ-արաբական դաշինքի համար նաև պատմական ամուր հիմք կա»:
Բայըքը նշել է, որ Իրաքում քրդական խնդիրը մեծապես լուծված է և նրա կարծիքով նույնը տեղի կունենա նաև Սիրիայում։ Քուրդ գործչի կարծիքով սրանք այն հիմքերն են, որոնք կամրապնդեն քուրդ-արաբական դաշինքը։ Ըստ Բայըքի մեկնաբանության՝ քրդական խնդրի ժողովրդավարական ճանապարհով լուծումից զատ իրենք այլ թաքնված օրակարգ չունեն:
«Քրդական համայնքների միության» գործադիր խորհրդի համանախագահ Ջեմիլ Բայըքը հավելել է.
«Իհարկե, մենք ցանկանում ենք, որ քրդական քաղաքական ուժերը ավելի ակտիվ գործեն քուրդ-արաբական միասնության զարգացման գործում ինչպես Իրաքում, այնպես էլ Սիրիայում։ Քրդերը պետք է հաղթահարեն նեղ ազգայնական մոտեցումները Բաղդադում և Դամասկոսում: Որովհետև քուրդ-արաբական դաշինքի հիմքը դրված է առաջին հերթին Իրաքում և Սիրիայում։ Սա փոխում է Մերձավոր Արևելքի դեմքը: Այն ուժը, որը կասեցնելու է թուրքական պետության նեոօսմանյան երազանքները, քուրդ-արաբական դաշինքն է։ Թուրքական կառավարության 19-ամյա քաղաքականությունը ցույց տվեց այս իրողությունը թե՛ քրդերին, թե՛ արաբ ժողովուրդներին»։
Այս ենթաբաժնի վերջին նորությունները
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։
Տեսանյութը լայնորեն տարածվել է սոցցանցերում և լայն քննարկումների առիթ դարձել։
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Թուրքիայի նախագահը կմասնակցի «Իսլամական համագործակցության կազմակերպության» և Արաբական լիգայի արտահերթ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |