Թուրքիայում բարձրացրել են Աթաթուրքին նզոված կրոնական սպասավորի պաշտոնը

Հասարակական15:58, 26 Հոկտեմբեր 2021

Թուրքիայում բարձրացրել են Աթաթուրքին նզոված կրոնական սպասավորի պաշտոնը

Ալի Էրբաշի գլխավորած Թուրքիայի Կրոնական գործերի վարչությունը բարձրացրել է Թուրքիայի Հանրապետության հիմնադիր Մուստաֆա Քեմալ Աթաթուրքին (Աթաթյուրք) անիծած կրոնական սպասավորի՝ Մուստաֆա Դեմիրքանի պաշտոնը։

Մուստաֆա Դեմիրքանն օրերս մասնակցել է իսլամական կրոնական սպասավորների ավարտական արարողությանը՝ հանդես գալով որպես հաֆեզների պետ (Reisül-Kurra), ինչից պարզ է դարձել, որ նա է արդեն զբաղեցնելու այդ պաշտոնը։

Հիշեցնենք, որ մի քանի ամիս առաջ Ստամբուլում՝ Սուրբ Սոֆիայի տաճարում, այն ժամանակ իսլամական կրոնական սպասավորների ավարտական արարողության ժամանակ հաֆեզների պետի փոխանորդ հանդիսացած Մուստաֆա Դեմիրքանն անեծք էր կարդացել՝ թիրախավորելով Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթյուրքին։

Ավարտական արարողությանը ներկա են եղել Թուրքիայի նախագահ Ռեջեփ Թայիփ Էրդողանը և խորհրդարանի նախագահ Մուստաֆա Շենթոփը։ Դեմիրքանի նկատմամբ բազմաթիվ բողոքներ էին ներկայացվել, սակայն Թուրքիայի Կրոնական գործերի վարչությունը 3 ամիս հետո հայտարարել էր, որ Դեմիրքանը թոշակի է անցել և որևէ կապ չունի վարչության հետ։

Աղբյուր` sozcu.com.tr

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։