Ծաղրանկարով քննադատվում է Թուրքիայի իշխանությունների վարած տնտեսական քաղաքականությունը

Տնտեսական19:53, 25 Հոկտեմբեր 2021

Ծաղրանկարով քննադատվում է Թուրքիայի իշխանությունների վարած տնտեսական քաղաքականությունը

Թուրքիայում իշխող «Արդարություն և զարգացում» կուսակցության (ԱԶԿ-AKP) նախկին պատգամավոր Մեհմեդ Մեթիները Twitter-ի իր էջում ծաղրանկար է հրապարակել՝ այս անգամ այդպես քննադատելով Թուրքիայի իշխանությունների վարած տնտեսական քաղաքականությունը։

Մեթիները նկարը հրապարակել է «իմաստալից և նույնքան էլ ծիծաղելի ծաղրանկար» մեկնաբանությամբ։ Դրանում ծաղրանքի է ենթարկվում Թուրքիայում ավտոմեքենաների գների օրեցօր բարձրացումը, ինչը պայմանավորված է դոլարի նկատմամբ թուրքական լիրայի շարունակվող արժեզրկմամբ։

Ծաղրանկարում ձիերի և ավանակների պարանոցներից կախված է «տրվում է վարձով» գրությունը, իսկ նրանց առջևում նստած մարդն ասում է, որ «ամենաքիչը ձիերն ու ավանակներն են վառելիք ծախսում»։ Ձիերի դիմաց՝ հատակին, դրված է մի պարկ կեր և խոտ՝ «կեր՝ 250 լիրա» և «խոտ՝ 650 լիրա» գրություններով։

Աղբյուր` T24.com.tr

Այս ենթաբաժնի վերջին նորությունները

12:27, 29 նոյ

Թուրքիայում չդադարող գնաճի պատճառով հնարավոր է բարձրանա նվազագույն աշխատավարձը

Փորձագետները կանխատեսում են, որ Թուրքիայում նվազագույն աշխատավարձը կբարձրացվի 30-35 տոկոսով՝ հասցվելով 3 500-4 000 լիրայի (280-320 դոլար)։

11:25, 26 նոյ

Թուրքիայի տնտեսական ծանր վիճակի մասին ծաղրանկար է հրապարակվել

Ծաղրանկարում ցույց է տրվում, որ դոլարի, եվրոյի փոխարժեքը և ոսկու գինը շարունակում է բարձրանալ, ինչի պատճառով էլ Թուրքիայի նախագահը հավաքել է ճամպրուկը և հեռանում է իշխանությունից։