Քաղաքական18:08, 25 Հոկտեմբեր 2021
Էրդողանը գոհ է. Քավալային ազատելու կոչ անող դեսպանները նոր հայտարարություն են արել
Թուրքիայում ԱՄՆ-ի, Նոր Զելանդիայի, Կանադայի, Հոլլանդիայի, Նորվեգիայի, Դանիայի և Ֆինլանդիայի դեսպանները նոր հայտարարություն են տարածել:
Twitter-ում այս երկրների դեսպանները նույնաբովանդակ գրառումն են կատարել՝ նշելով, որ հոկտեմբերի 18-ին արված հայտարարության վերաբերյալ հարցերին ի պատասխան վերահաստատում են իրենց հավատարմությունը դիվանագիտական հարաբերությունների մասին Վիեննայի կոնվենցիայի 41-րդ հոդվածին:
Թուրքական մամուլը դեսպանների այս հայտարարությունը համարել է հետքայլ հոկտեմբերի 18-ին նրանց արտահայտած դիրքորոշումից: Իսկ պետական «Anadolu» լրատվական գործակալությունը, հղում անելով իր աղբյուրներին, նշել է, որ Թուրքիայի նախագահ Ռեջեփ Թայիփ Էրդողանը դեսպանների այս գրառումը դրական է համարել:
Հիշեցնենք, որ հոկտեմբերի 18-ին Թուրքիայում 10 երկրների դեսպաններ, որոնց շարքում էին նաև վերոնշյալ երկրները, հայտարարություն էին տարածել ի պաշտպանություն 4 տարի կալանքի տակ գտնվող հասարակական գործիչ և գործարար Օսման Քավալայի՝ կոչ անելով ազատել նրան:
Այս հայտարարությունից հետո նրանք կանչվել էին Թուրքիայի ԱԳՆ-ն բացատրություն տալու: Իսկ Թուրքիայի նախագահ Ռեջեփ Թայիփ Էրդողանն ավելի կոշտ էր արձագանքել՝ հայտնելով, որ ԱԳՆ-ին հանձնարարել է այդ դեսպաններին Թուրքիայում «անցակալի անձ» հռչակել:
Այս ենթաբաժնի վերջին նորությունները
«Կտրականապես մերժում ենք որևէ կերպ Սիրիայի ժողովրդին չներկայացնող Ժողովրդական ժողովի սանձարձակ և ապօրինի հայտարարությունը՝ ուղղված մեր երկրի տարածքային ամբողջականության դեմ»,- շեշտել է Բիլգիչը։
«Եվրախորհրդին հրավիրում ենք խուսափել ընթացք տալ այս որոշմանը, որն անկախ դատական համակարգին միջամտության բնույթի ունի»,- ընդգծվել է Թուրքիայի ԱԳՆ-ի հայտարարությունում։
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
արտարժույթ
| EUR | TRY | USD |
| 549.84 | 90.05 | 485.12 |