Ալի Բաբաջան. «Կներեք, իհարկե, բայց այս երկրի մարդիկ Էրդողանի փորձաճագարները չեն»

Քաղաքական16:18, 25 Հոկտեմբեր 2021

Ալի Բաբաջան. «Կներեք, իհարկե, բայց այս երկրի մարդիկ Էրդողանի փորձաճագարները չեն»

Թուրքիայի տնտեսության նախկին պատասխանատուներից մեկը՝ պետնախարարի պաշտոնը զբաղեցրած, իսկ այժմ էլ ընդդիմադիր «Ժողովրդավարություն և առաջընթաց» կուսակցության (DEVA) առաջնորդ Ալի Բաբաջանը, հայտարարել է, որ Թուրքիայի առաջիկա ամիսներին գնաճն ավելանալու է։ Իսկ դրա պատճառը նախագահ Ռեջեփ Թայիփ Էրդողանի կայացրած որոշումներն են։

Ալի Բաբաջանն իր կուսակցության Արնավութքյոյի շրջանային համագումարում ներկայացրել է Էրդողանի և Թուրքիայի ֆինանսների նախկին նախարար Բերաթ Ալբայրաքի՝ 2015 թվականից հետո կատարած հայտարարությունները դոլար-լիրա փոխարժեքի մասին և նշել․

«Էրդողանը համառաբար մեր ողջ ազգին իջեցրեց աղքատության խորքերը։ Նախինում էլ եմ ասել․ ամբողջ Թուրքիայի Հանրապետությունը դարձել է փորձարարական լաբորատորիա զուտ այն սխալ թեզի պատճառով, որը տարիներ շարունակ պարտադրել է հարգարժան Էրդողանը։ Կներեք, իհարկե, բայց այս երկրի արժանապատիվ մարդիկ Էրդողանի փորձաճագարները չեն»։

Բաբաջանն իշխանությանը նաև մեղադրել է 2019թ․ մարտի 31-ին տեղական ինքնակառավարման մարմինների ընտրություններում հաղթանակ գրանցելու համար մտածված սխալ ֆինանսական քաղաքականություն վարելու մեջ։ Նա մասնավորապես նշել է, որ ընտրություններից երեք ամիս առաջ պահուստային միջոցներ են վաճառվել շուկայում դոլարի կուրսը ցածր ցույց տալու նպատակով։

Աղբյուր` gazetekarinca.com

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։