Քաղաքական15:28, 18 Հոկտեմբեր 2021
Դեմիրթաշ. «Ժողովրդին պետք է իրազեկել, որ իշխանություններն ինչ էլ անեն, ոչ թե հանուն հայրենիքի է, այլ՝ ընտրությունների»
Թուրքիայի ընդդիմադիր քրդամետ «ժողովուրդների դեմոկրատական կուսակցության» (HDP-ԺԴԿ) նախկին համանախագահ Սելահաթթին Դեմիրթաշը, որ 5 տարի է՝ կալանավորված է, հարցազրույց է տվել Թուրքիայի ներքաղաքական կյանքի զարգացումների վերաբերյալ:
Նա խոսել է արտահերթ ընտրությունների հնարավորության մասին՝ համոզմունք հայտնելով, որ ընտրությունները տեղի են ունենալու 2023թ. հունիսից շուտ (հերթական ընտրությունները նախատեսված են 2023թ. հունիսին): Անդրադառնալով հնարավոր արտահերթ ընտրությունների դեպքում ընդդիմության մարտավարությանը՝ Դեմիրթաշն ընդգծել է, որ բոլորը պետք է ամեն պահի պատրաստ լինեն ընտրություններին, քանի որ չկա կայուն կառավարում, և ամեն վայրկյան տնտեսությունը կարող է փլուզվել:
Դեմիրթաշի մոտեցմամբ՝ ընդդիմությունը վաղուց պետք է ավարտած լիներ քվեատուփերի անվտանգությունն ապահովելու, անձնակազմի ուսուցման և նմանատիպ տեխնիկական հարցերով աշխատանքները: Նա հատկապես ընդգծել է ընդդիմադիր կուսակցությունների կողմից քվեարկությանը հետևելու միասնական ու կենտրոնական համակարգի ստեղծման կարևորությունը:
«Բացի այս, դաշինքների և թեկնածության հարցերը պետք է լինեն նախապես համաձայնեցված՝ առնվազն սկզբունքային մակարդակում: Երբ ընտրություններ (արտահերթ- խմբ.) անցկացնելու մասին հայտարարվի, ընդդիմությունն պետք է ունենա մտածված, ծրագրված ռազմավարություն, որը հնարավոր կլինի կյանքի կոչել»,-հավելել է քրդամետ կուսակցության նախկին համանախագահը:
Նա Թուրքիայի զինված ուժերի կողմից Սիրիայում նոր ռազմական գործողության հավանականությունը նույնպես կապել է ընտրությունների հետ՝ ակնարկելով, որ դա միտված է իշխանությունների վարկանիշը բարձրացնելուն:
«Այս հարցերում ևս հանրությանն այսօրվանից պետք է իրազեկել, որ ինչ էլ անեն, ոչ թե հանուն հայրենիքի է, այլ՝ ընտրությունների»,-եզրափակել է Դեմիրթաշը:
Այս ենթաբաժնի վերջին նորությունները
Հանդիպումը կազմակերպվել է նախքան մայիսի 14-ից 15-ն Անկարայում կայանալիք ՆԱՏՕ անդամ երկրների արտգործնախարարների ոչ պաշտոնական հավաքը:
Օրակարգում են եղել ռուս-ուկրաինական պատերազմին վերաբերող հարցերը:
Թուրքական մեդիայում տարածվող լուրերի համաձայն՝ մայիսի 15-ին Ստամբուլում կայանալիք հնարավոր ռուս-ուկրաինական բանակցություններին մասնակցելու նպատակով այնտեղ կլինեն նաև ԱՄՆ պետպաշտոնյաներ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Նշվում է, որ հնարավոր այցը կապված է Նիկեայի 1-ին տիեզերական ժողովի 1700-ամյակի հետ:
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Գազայի հատվածում գործող խմբավորումը հայտարարություն է տարածել հրադադարի շուրջ բանակցությունների վերջնականացման վերաբերյալ և միաժամանակ շնորհակալություն հայտնել Թուրքիային:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |