Էրդողանը սպառնում է քրդական ուժերին նոր ռազմական օպերացիաներով Սիրիայում

Քաղաքական13:58, 12 Հոկտեմբեր 2021

Էրդողանը սպառնում է քրդական ուժերին նոր ռազմական օպերացիաներով Սիրիայում

Թուրքիայի նախագահ Ռեջեփ Թայիփ Էրդողանը նախօրեին տեղի ունեցած կառավարության նիստից հետո խոսել է Սիրիայում քրդական ուժերի դեմ նոր ռազմական գործողություն սկսելու հավանականության մասին:

Էրդողանն, անդրադառնալով օրերս Սիրիայի հյուսիսում իրականացված հարձակմանը, որի հետևանքով երկու թուրք ոստիկան էր սպանվել (երկուսն էլ վիրավորվել էին), ասել է. «Մենք վճռական ենք տրամադրված մեր դեմ ծառացած սպառնալիքները չեզոքացնելու հարցում, դա կլինի կամ այնտեղի (Սիրիայի-խմբ) ազդեցիկ ուժերի, կամ էլ մեր սեփական միջոցներով: Մեր ոստիկանների դեմ իրականացված վերջին հարձակումները լցրել են մեր համբերության բաժակը»:

Ըստ Էրդողանի՝ առաջիկայում անհրաժեշտ քայլեր են ձեռնարկվելու Սիրիայից եկող խնդիրները լուծելու հարցում:

Էրդողանի այդ հայտարարությունը հայտնվել է վերլուծաբանների ուշադրության կենտրոնում: Մասնավորապես թուրք վերլուծաբան Մեթե Յարարի կարծիքով՝ այս անգամ պետք չէ Թուրքիայից սպասել խոշոր ռազմական գործողություն: Ըստ նրա՝ թուրքերը սահմանափակվելու են Սիրիայի քրդական ուժերի հենակետերի վրա թիրախային հարվածներով:

Աղբյուր` Yeniakit

Այս ենթաբաժնի վերջին նորությունները

11:46, 14 մայ

Ֆիդանն աշխատանքային ճաշ է ունեցել ՆԱՏՕ-ի գլխավոր քարտուղարի հետ

Հանդիպումը կազմակերպվել է նախքան մայիսի 14-ից 15-ն Անկարայում կայանալիք ՆԱՏՕ անդամ երկրների արտգործնախարարների ոչ պաշտոնական հավաքը:

11:09, 14 մայ

Էրդողանը հեռախոսազրույց է ունեցել Իտալիայի վարչապետի հետ

Օրակարգում են եղել ռուս-ուկրաինական պատերազմին վերաբերող հարցերը:

10:29, 14 մայ

ԱՄՆ պետքարտուղարը կմասնակցի Ստամբուլում ռուս-ուկրաինական հնարավոր բանակցություններին

Թուրքական մեդիայում տարածվող լուրերի համաձայն՝ մայիսի 15-ին Ստամբուլում կայանալիք հնարավոր ռուս-ուկրաինական բանակցություններին մասնակցելու նպատակով այնտեղ կլինեն նաև ԱՄՆ պետպաշտոնյաներ: