Թուրք ընդդիմադիր գործչին մինչև 2 տարի 4 ամիս ազատազրկում է սպառնում

Իրավական10:35, 08 Հոկտեմբեր 2021

Թուրք ընդդիմադիր գործչին մինչև 2 տարի 4 ամիս ազատազրկում է սպառնում

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) պատգամավոր և այդ կուսակցության Ստամբուլի նահանգային կառույցի ղեկավար Ջանան Քաֆթանջըօղլուի վերաբերյալ մեղադրական եզրակացություն է կազմվել՝ Թուրքիայի նախագահի աշխատակազմի հանրային կապերի բաժնի պետ Ֆահրեթթին Ալթունի հասցեին մեղադրանքներ հնչեցնելու հիմքով։

Նա մասնավորապես մեղադրվում է «պետական ծառայողին իր զբաղեցրած պաշտոնի պատճառով վիրավորելու» մեջ։

Անատոլիայի հանրապետական գխավոր դատախազության կողմից կազմված մեղադրական եզրակացությամբ Քաֆթանջըօղլուի համար մինչև 2 տարի 4 ամիս ազատազրկման պահանջ է ներկայացվել։ Եթե մեղադրական եզրակացությունն ընդունվի, ապա Քաֆթանջըօղլուն կկանգնի դատարանի առաջ։

Հիշեցնենք, որ ընդդիմադիր գործիչը 2020թ. ապրիլի 14-ին ունեցած ելույթում պնդել էր, որ Ֆահրեթին Ալթունի տան մոտակայքում ապօրինի շինարարություն է կատարվել, որին միջամտել է Ստամբուլի քաղաքապետարանը։ Ֆահրեթթին Ալթունի փաստաբանը Քաֆթանջըօղլուի պնդումների վերաբերյալ բողոք էր ներկայացրել դատախազություն, որի հիման վրա սկսվել էր հետաքննություն իրականացվել։

Աղբյուր` gazetekarinca.com

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։