Թուրքիայի աջակցությունը վայելող թուրքոման հրամանատարը հայտնել է, որ Սիրիան վերածելու են թյուրքախոս երկրի

Տարածաշրջան12:57, 05 Հոկտեմբեր 2021

Թուրքիայի աջակցությունը վայելող թուրքոման հրամանատարը հայտնել է, որ Սիրիան վերածելու են թյուրքախոս երկրի

«Սիրիայի ազգային բանակի» Սուլթան Մուրադ դիվիզիայի թուրքոման հրամանատար Ֆեհիմ Իսան Twitter-ի իր էջում գրել է, որ Բաշար Ասադից հետո Սիրիան վերածելու են թյուրքախոս երկրի։

«Ալլահի կամքով Սիրիան Ասադի դաժան ռեժիմից և ահաբեկչական կազմակերպություններից մաքրելուց հետո մենք՝ որպես ազատ Սիրիա և թյուրքախոս երկիր, տեղ կգտնենք Թյուրքական խորհրդում»։

Հոկտեմբերի 3-ի իր գրառմամբ Իսան նաև շնորհավորել է թյուրքախոս երկրների համագործակցության օրը և Թյուրքական խորհրդի կազմավորման 12-րդ տարեդարձը։

Դիվիզիայի հրամանատար Իսան գլխավորում է «Հեղափոխականների շարժում» կոչվող կազմակերպությունը, որը բաղկացած է «Սիրիայի ազգային բանակի» խմբերից։ Իսկ «Սիրիայի ազգային բանակի»՝ Թուրքիայի աջակցությամբ 2013թ․ մարտի 28-ին ստեղծված և թուրքմեններից կազմված Սուլթան Մուրադ դիվիզիայի անունը հաճախ կապվում է Աֆրինում տեղացի բնակչության իրավունքների խախտումների հետ։ Այս պահին Աֆրինը վերահսկող զինյալ խումբը հիմնականում կազմված է սիրիացի թուրքոմաններից։

Աղբյուր` rudaw.com

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: