Քաղաքական17:58, 30 Սեպտեմբեր 2021
Առաջին անգամ թուրք բարձրաստիճան պաշտոնյայի շուրթերով հայտարարվել է 44-օրյա պատերազմին Անկարայի անմիջական մասնակցության մասին
Թուրքիայից աննախադեպ խոստովանություն է հնչել Լեռնային Ղարաբաղում 44-օրյա պատերազմին Անկարայի անմիջական ռազմական միջամտության մասին: Դրա հեղինակը Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընն է: Այս մասին գրում է Regionmonitor-ը:
Նա ծավալուն հարցազրույց է տվել թուրքական «Haber Global» լրատվականին՝ անդրադառնալով նաև 44-օրյա պատերազմին և դրանում Անկարայի դերակատարմանը:
Բացի Լեռնային Ղարաբաղում հաղթանակի մասին ավանդական դարձած արտահայտություններից, որոնցում ընդգծվում են թուրք-ադրբեջանական յուրահատուկ հարաբերությունները, եղբայրությունը, «մեկ ազգ, երկու պետություն» տրամաբանությամբ գործելու հանգամանքը, Քալընը մեկ այլ հետաքրքիր դիտարկում է արել:
Նա նշել է, որ «Ղարաբաղում հաղթանակը մեկ այլ կարևոր նշանակություն էլ ունի Թուրքիայի ԶՈւ տեսանկյունից: Նրա մեկնաբանությամբ՝ 2016թ. հուլիսի 15-ի հեղաշրջման փորձից հետո, երբ բանակից հեռացվեցին գյուլենականները, շատերն ասում էին, որ թուրքական բանակն այլևս նախկին ներուժը չի կարողանա վերագտնել, սակայն, տեղի ունեցավ լրիվ հակառակը: ԹՀ ԶՈւ-երի «մաքրման» շնորհիվ այն ազատվեց իր հիվանդություններից և վերադարձավ իրական պարտականություններին, ինչի առաջին արդյունքը Սիրիայում գրանցված ռազմական հաջողություններն էին:
Թուրքիայի ԶՈւ-երը 2-րդ հաջողությունը գրանցել են Լիբիայում, երբ իրենց միջամտության արդյունքում փոխվեց զարգացումների ընթացքը:
«Մեր 3-րդ միջամտությունը Ղարաբաղի հաղթանակն է: Մեր ԶՈւ-ի, ԱԳՆ-ի և հետախուզության շատ լավ համակարգման և մեր նախագահի ճկուն առաջնորդության արդյունքում այսպիսի մեծ հաջողություն գրանցեցինք»,-եզրափակել էր Քալընը:
Վերոնշյալի համատեքստում կարելի է փաստել, որ թուրքական կողմից պաշտոնական մակարդակով առաջին անգամ բացահայտ կերպով հայտարարվում է 44-օրյա պատերազմին Թուրքիայի ուղիղ ռազմական միջամտության մասին: Պատերազմից անմիջապես հետո հաղթանակը սեփականաշնորհելու կամ կիսելու միտված հայտարարություններ արվել են թե՛ թուրք պաշտոնյաների, թե՛ իշխանամերձ մամուլի կողմից: Թե՛ պաշտոնյաները, թե՛ մամուլը միշտ խոսել են Ադրբեջանին տրված քաղաքական, դիվանագիտական, բարոյական, սոցիալական, քարոզչական աջակցության մասին: Իսկ պաշտոնական մակարդակում ռազմական ուղիղ ներգրավածության մասին նման ուղիղ տեքստով խոստովանություններ չեն հնչել:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |