Տարածաշրջան15:15, 28 Սեպտեմբեր 2021
Միչոտակիսը՝ թուրք-հունական հարաբերությունների մասին. «Լարվածությունը ոչ մեկի համար շահաբեր չէ»
Հունաստանի վարչապետ Կիրիակոս Միչոտակիսը ծավալուն հարցազրույց է տվել, որում գնահատել է 2021թ. ընթացքում հույն-թուրքական հարաբերությունները և դրանց ապագան:
Միչոտակիսը նշել է, որ Արևելյան Միջերկականում այս տարի բավականին խաղաղ է անցել: Այս համատեքստում նա հույս է հայտնել, որ Թուրքիան արդեն հասկացել է, որ այնտեղ ստեղծված լարվածությունը ոչ մի կողմի համար շահաբեր չի լինելու:
Հունաստանի վարչապետը հնարավոր է համարել Թուրքիայի հետ համագործակցությունն այնպիսի համընդհանուր խնդիրներում, ինչպիսիք են կլիմայի գլոբալ տաքացումը, միգրացիայի հարցը: Երկկողմ տնտեսական համագործակցության վերաբերյալ Միչոտակիսը նշել է, որ դա հնարավոր է բարիդրացիական հարաբերությունների և փոխադարձ հարգանքի շրջանակներում:
Երկու երկրների միջև խնդիրների՝ մասնավորապես Արևելյան Միջերկականում և Էգեյան ծովում խնդիրների մասին խոսելիս Միչոտակիսն ընդգծել է, որ դրանց միակ լուծումը տալիս է միջազգային իրավունքը:
«Մենք Իտալիայի և Եգիպտոսի հետ կնքած պայմանագրերի օրինակով ցույց տվեցինք, որ հնարավոր է նման համաձայնության գալ: Հստակ եմ ասելու, որ կարող են ձեռք բերվել համաձայնություններ, որոնք հանուն բոլորի համար ձեռնտու լուծումների, պահանջում են որոշ հարցերում փոխադարձ զիջումներ»,- նշել է Միչոտակիսը:
Նա նաև անդրադարձել է Հունաստանի բանակի արդիականացման հարցին՝ նշելով, որ այն պարզապես անհրաժեշտություն է: «Հունաստանը Թուրքիայի հետ սպառազինության մրցավազքի մեջ մտնելու մտադրություն չունի»,- ընդգծել է Հունաստանի վարչապետը:
Հիշեցնենք, որ թուրք-հունական հարաբերությունները լարվել էին, երբ Թուրքիան սկսել էր էներգետիկ ռեսուրսների որոնման, ապա նաև հորատման աշխատանքներ իրականացնել Արևելյան Միջերկրականի այն հատվածներում, որոնք միջազգայնորեն ճանաչված են որպես Կիպրոսի բարձրագույն տնտեսական գոտի:
Այս ենթաբաժնի վերջին նորությունները
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ավերածությունների մասին տեղեկատվություն պաշտոնական աղբյուրներում դեռևս չկան:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |