Տարածաշրջան12:34, 23 Սեպտեմբեր 2021
Քրդական ինքնավարության ղեկավարն հանդիպել է ամերիկացի գեներալի հետ
Իրաքի հյուսիսում քրդական ինքնավարության ղեկավար Նեչիրվան Բարզանին Էրբիլում ընդունել է Իրաքում ԱՄՆ-ի անվտանգության աջակցության գրասենյակի ղեկավար, գեներալ Քիս Ֆիլիփսի գլխավորած պատվիրակությանը։ Պատվիրակությունը կազմված է եղել զինվորականներից և դիվանագետներից։
Հանդիպմանը քննարկվել են Իրաքյան Քուրդիստանի զինված ուժերում՝ փեշմերգայում իրականացվող բարեփոխումները, փեշմերգայի, իրաքյան բանակի և կոալիցիոն ուժերի միջև փոխօգնությանն ու համակարգմանը վերաբերող հարցեր, Էրբիլում կոալիցիոն ուժերի դեմ հարձակումները, վերջին անվտանգային և ռազմական զարգացումները, ինչպես նաև Իրաքում և Սիրիայում Իսլամական պետության (ԻՊ) դեմ պայքարը։
Նեչիրվան Բարզանին Իրաքի և տարածաշրջանի կայունության տեսանկյունից կարևորել է ԻՊ-ի պարտությունը։ Նա շնորհակալություն է հայտնել ԱՄՆ-ին և կոալիցիային Իրաքում և Քուրդիստանի շրջանում ցուցաբերած օգնության և աջակցության համար, անդրադարձել է փեշմերգայի նախարարությունում իրականացվող բարենորոգումների կարևորությանն ու այդ գործընթացին ԱՄՆ-ի և բարեկամ երկրների մասնակցությանը։
Գեներալ Ֆիլիփսը նշել է, որ ԻՊ-ի վերջնական պարտության համար կողմերի միջև անհրաժեշտ է շարունակել օգնությունն ու համակարգումը։ Նա հայտնել է, որ հետևում և աջակցում են փեշմերգայի նախարարությունում բարեփոխումների ընթացքին։
Հանդիպմանը ներկա է գտնվել նաև Էրբիլում ԱՄՆ-ի գլխավոր հյուպատոս Ռոբերտ Փալադինոն։
Այս ենթաբաժնի վերջին նորությունները
Թուրքիայի պաշտպանության նախարար Յաշար Գյուլերը հայտարարել է, որ Իրաքը ահաբեկչական է ճանաչել «Քուրդիստանի բանվորական կուսակցությանը»:
Խորհրդակցությունների ընթացքում կողմերը քննարկել են Թուրքիայի և ՌԴ-ի ընդհանուր օրակարգում գտնվող տարածաշրջանային հարցեր։
ՄԱԿ-ը հրապարակել է 2023-ի 2-րդ կեսին Սիրիայում տեղի ունեցած իրադարձություններ մասին զեկույց, որտեղ անդրադարձ է կատարվել նաև Թուրքիայի կողմից ձեռնարկված հարձակումներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |