Հասարակական11:14, 22 Սեպտեմբեր 2021
Freedom House. Թուրքիան անազատ ինտերնետ ունեցող երկրներից է

Ամերիկյան «Freedom House» իրավապաշտպան հասարակական կազմակերպությունը հրապարակել է տարբեր երկրներում ինտերնետի (համացանց) ազատության և անկախության վերաբերյալ սեփական ուսումնասիրության արդյուքները։
«Ազատությունը համացանցում 2021» զեկույցի համաձայն՝ արդեն 11 տարի շարունակ ողջ աշխարհում համացանցի ազատության մակարդակը անկում է ապրում։ Ամենակախյալ ինտերնետ ունեցող երկիրը, պարզվել է, Չինաստանն է։ Համացանցային անկախության ամենաբարձր մակարդակը գրանցվել է Իսլանդիայում։
80-ից ավելի վերլուծաբաններ 100 բալանոց համակարգով գնահատել են տարբեր երկրներում համացանցի ազատության ու անկախության վիճակը՝ ըստ հասանելիության սահմանափակման, բովանդակությունների արգելափակման և օգտատերերի իրավունքների ոտնահարման վերաբերյալ 21 չափանիշների։
Թուրքիան ստացել է 100-ից 34 միավոր՝ տեղ գտնելով այն երկրների ցանկում, որտեղ ինտերնետի հասանելիությունը ազատ չէ։ Զեկույցում հատկապես շեշտվել է, որ Թուրքիայում ագրեսիվ որակվող ինտերնետային հրապարակումների հեռացման համար 48 ժամ է տրվում, իսկ հակառակ դեպքում հեղինակները դրամական տուգանքի են ենթարկվում կամ այլ պատիժներ են սահմանվում։
«Այդ օրենքը նշանակալիորեն սահմանափակել է թուրքական իշխանությունների՝ ընդդիմադիր ձայներն ու անկախ լրագրողներին լռեցնելու, բռնություն չպարունակող հայտարարությունները ավելի խիստ գրաքննելու նպատակով սոցցանցերին ուղղված պահանջերի դեմ դիմակայելու վերջիններիս հնարավորությունները», - ասված է զեկույցում։
Զեկույցի հեղինակները քննադատել են Անկարայի իշխանություններին ինտերնետի համար։ «Թուրքիայի ննախագահ Ռեջեփ Թայիփ Էրդողանը, ով անձամբ է վերահսկում լրագրողների ու ընդդիմադիր քաղաքական գործիչների մասսայական բանտարկությունները, բազմիցս «թվային ֆաշիզմի» մեջ է մեղադրել այն տեխնոլոգիական ընկերություններին, որոնք հրաժարվում են ենթարկվել սոցցանցերի մասին նոր, թերի օրենքի պահանջներին», - նշել են հեղինակները։
Այս ենթաբաժնի վերջին նորությունները

Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

THY-ն Եվրոպայի խոշորագույն ավիաընկերություններից մեկն է և շարունակում է ամրապնդել իր դիրքը միջազգային ավիացիոն շուկայում։
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |