Քաղաքական14:57, 22 Սեպտեմբեր 2021
Ըստ Բահչելիի՝ Աթաթուրքի կուսակցությունը Թուրքիայի համար ազգային սպառնալիքի է վերածվել
Թուրքիայի աջ ծայրահեղական «Ազգայնական շարժում կուսակցության» (MHP-ԱՇԿ) նախագահ Դևլեթ Բահչելին անդրադարձել է քրդական հարցին, որը վերջին օրերին թուրքական մեդիատիրույթի օրակարգում է:
Այս թեման ակտուալ է դարձել այն բանից հետո, երբ գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) նախագահ Քեմալ Քըլըչդարօղլուն հայտարարել է, որ քրդական հարցը լուծելու համար լեգիտիմ ուժ է անհրաժեշտ: Ըստ քեմալականների առաջնորդի՝ նման լեգիտիմ ուժ կարող է համարվել քրդամետ «Ժողովուրդների դեմոկրատական կուսակցությունը» (HDP-ԺԴԿ):
Քըլըչդարօղլուի այս ելույթից հետո Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում կուսակցության» (AKP-ԱԶԿ) դաշնակից-գործընկեր ԱՇԿ-ի ղեկավարը գրավոր հայտարարություն է տարածել՝ նշելով, որ Թուրքիայում քրդական հարց գոյություն չունի:
«Նրանք, ովքեր համառորեն պնդում են, թե նման հարց կա, ստոր վախկոտներ են, որոնց սիրտը թուրք ազգի սրտի հետ համահունչ չի բաբախում»,- շեշտել է Բահչելին:
Ըստ Բահչելիի՝ քրդական հարցի մասին խոսող քեմալական կուսակցությունը վերածվում է ազգային անվտանգության սպառնալիքի:
«ԺՀԿ-ի ղեկավարության ապազգային վարքագիծը, դիրքորոշումները, առաջարկները և ցանկությունները սարսափելի կետի են հասել և գրեթե անուղղելի ու անշրջելի սահմանի են մոտեցել»,-նշել է Բահչելին:
Նա նաև անդրադարձել է քրդամետ կուսակցության հնարավոր դերին՝ նշելով, որ ԺԴԿ-ն լեգիտիմ ուժ չէ, այն նույն «ահաբեկչական PKK-ն՝ պարզապես օրինականության տակ դիմակավորված»:
Այս ենթաբաժնի վերջին նորությունները
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Այսուհետև կողմերը կհամագործակցեն երրորդ երկրներին մարդասիրական օգնություն տրամադրելու հարցում:
Թուրքիայի նախագահը հեռախոսազրույց է ունեցել ԱՄԷ-ի իր գործընկերոջ հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը հեռախոսազրույց է ունեցել ԱՄԷ-ի իր գործընկերոջ հետ:
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Թեմային անդրադարձել է Թուրքիայի պաշտպանության նախարար Յաշար Գյուլերը։
Սենատի արտաքին հարաբերությունների հանձնաժողովի նախագահ Ջեյմս Ռիշը նշել է, որ վճռական է տրամադրված այդ հարցում։
Ադրբեջանի նախագահը նշել է, որ գազամատակարարումը նախատեսվում է իրականացնել մոտ ապագայում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |