Դավութօղլուն հայտարարել է, որ ինքը դեմ է քրդամետ կուսակցության փակմանը

Քաղաքական13:12, 13 Սեպտեմբեր 2021

Դավութօղլուն հայտարարել է, որ ինքը դեմ է քրդամետ կուսակցության փակմանը

Թուրքիայի ընդդիմադիր «Ապագա» կուսակցության (Gelecek Partisi) նախագահ, Թուրքիայի նախկին վարչապետ Ահմեդ Դավութօղլուն Դիարբեքիր կատարած այցի ժամանակ խոսել է իշխող «Արդարություն և զարգացում կուսակցության» (AKP-ԱԶԿ) ներսում տեղի ունեցած փոփոխությունների մասին:

Դավութօղլուն մասնավորապես հայտարարել է, որ ԱԶԿ-ն սկսել է առաջնորդվել «Ազգայնական շարժում» (MHP-ԱՇԿ) կուսակցության նախագահ Դևլեթ Բահչելիի և «Հայրենիք» (Vatan) կուսակցության նախագահ Դողու Փերինչեքի գաղափարներով:

Խոսելով քրդական հարցի վերաբերյալ իրենց դիրքորոշումից՝ Դավութօղլուն նշել է.

«Օրինակ, մենք միակ կուսակցությունն ենք, որը հստակ իր ծրագրում գրում է մշակութային իրավունքների համատեքստում կրթական գործընթացի մեջ քրդերենը ներառելու մասին: Սա արդեն սկսվել էր դպրոցներում, բայց այդպես էլ չշարունակվեց, որովհետև մեր հեռանալուց հետո «Արդարություն և զարգացում» կուսակցությունը հետևեց Բահչելիի և Փերինչեքի ճանապարհին»:

Այնուհետև Դավութօղլուն հայտարարել է, որ ինքը դեմ է քրդամետ «Ժողովուրդների դեմոկրատական կուսակցության» (HDP-ԺԴԿ) փակվելուն, ինչպես նաև բոլոր քաղաքական ձերբակալություններին՝ շեշտելով որ օրենքն օբյեկտիվ պետք է գործի, քանի որ ոչ ոք օրենքից վեր չէ:

Աղբյուր` Cumhuriyet

Այս ենթաբաժնի վերջին նորությունները

11:59, 18 սեպ

Թուրք նախարար. Ադրբեջանի ու Թուրքիայի տնտեսություններն ունեն միմյանց փոխլրացնող առանձնահատկություններ

Թուրքիայի առևտրի նախարար Օմեր Բոլաթը մասնակցել է Բաքվում կայացած «Ադրբեջան-Թուրքիա տնտեսական և մշակութային հարաբերությունների կամուրջ» միջոցառմանը:

11:52, 18 սեպ

Պաղեստինի նախագահը մեկնում է Թուրքիա

Մահմուդ Աբբասը կհանդիպի Ռեջեփ Թայիփ Էրդողանի հետ։

11:10, 18 սեպ

Իբրահիմ Քալընը նշել է, որ Թուրքիան մշտապես Սիրիայի կողքին է

Թուրքիայի ազգային հետախուզական կազմակերպության (MİT) ղեկավարը և Սիրիայի անցումային շրջանի նախագահ Ահմեդ ալ-Շարան քննարկել են երկկողմ և տարածաշրջանային հարցեր։