11:25, 08 Սեպտեմբեր 2021
Reuters-ի անդրադարձը Թուրքիա-Արաբական Միացյալ Էմիրություններ հարաբերություններին
Reuters Միջազգային լրատվական գործակալությունը վերլուծություն է ներկայացրել Թուրքիայի նախագահ Ռեջեփ Թայիփ Էրդողանի և Արաբական Միացյալ Էմիրությունների (ԱՄԷ) թագաժառանգ Մոհամմեդ բին Զայեդ Ալ Նահյանի հանդիպման վերաբերյալ։
«Թուրքիան և ԱՄԷ-ն զսպում են հակամարտությունը բորբոքող և տնտեսությանը վնաս հասցնող տարաձայնությունները» վերտառությամբ հոդվածում նշվում է, որ ըստ պաշտոնյաների ու դիվանագետների՝ տարիներ ի վեր շարունակվող թշնամությունից հետո Թուրքիան և ԱՄԷ-ն կարծես թե թուլացրել են հակամարտությունը բորբոքող լարումները՝ ներառյալ Լիբիայի պատերազմը։ Ընդգծվում է, որ թեև երկու երկրների միջև քաղաքական տարաձայնությունները շատ լուրջ են, ակնկալվում է, որ Թուրքիան ու ԱՄԷ-ն խնդիրները կարգավորելու և Միջին Արևելքում խզման գծի վերածված գաղափարական հակասությունները լուծելու փոխարեն կկենտրոնանան տնտեսական թեմաների վրա։
Reuters-ի հետ զրույցում ԱՄԷ-ից մի պաշտոնյա, մատնանաշելով տրանսպորտի, առողջապահության և էներգետիկայի ոլորտում առկա առևտրային և ներդրումային հնարավորությունները, ընդգծել է. «ԱՄԷ-ն շահագրգռված է ուսումնասիրել կապերի ամրապնդման հեռանկարները»։ Պաշտոնյան նշել է, որ առաջնահերթությունը տրվելու է տնտեսության ոլորտում արվող քայլերին, քանի որ մյուս հարցերում համաձայնություն ձեռք չի բերվել։ Նա շեշտել է, սակայն, որ այդ մյուս հարցերի մեծ մասը լուծելու համար «ձևավորվել է ցանկություն»։
Անանուն հանդես եկող մի թուրք պաշտոնյա էլ նշել է, որ տարածաշրջանում լարված հարաբերությունների արժեքը կայուն չէ, երբ խոսքը գնում է Թուրքիայի, ԱՄԷ-ի և Սաուդյան Արաբիայի մասին։
Հոդվածում Թուրքիա-ԱՄԷ հարաբերությունների վերլուծության համատեքստում նշվել է, որ Թուրքիան Թունիսից մինչև Սիրիա աջակցում է «Մուսուլման եղբայրներին» և նրանց իսլամական դաշնակիցներին, ինչն էլ անհանգստացնում է ԱՄԷ ղեկավարներին, որոնք «Մուսուլման եղբայրներին» դիտում են, որպես քաղաքական և անվտանգային սպառնալիք։
«Թուրք պաշտոնյաները և Ծոցի դիվանագետները նշում են, թե երկու երկրներն էլ գիտակցում են, որ աշխարհաքաղաքական լարվածությունները ունեն տնտեսական գին, որը մեծանում է կորոնավիրուսի համավարակով պայմանավորված։ Տնտեսական գինը հատկապես զգաց Էրդողանը։ Համառ 19 տոկոսանոց գնաճը գները բարձրացրեց և պետական բանկերը վաճառեցին իրենց 128 միլիարդ դոլար օտար ռեզերվները լիրային աջակցելու համար»,-նշվել է վերլուծականում։
Նշենք, որ Թուրքիայի նախագահ Էրդողանը և Արաբական Միացյալ Էմիրությունների թագաժառանգը հեռախոսազրույց են ունեցել օգոստոսի 31-ին։ Մինչ այդ՝ օգոստոսի 18-ին, Էրդողանն ընդունել է ԱՄԷ-ի ազգային անվտանգության խորհրդական շեյխ Թահնոուն բին Զայեդ Ալ Նահյանին։ Բարձր մակարդակի այս շփումները բնութագրվել են որպես նոր էջի սկիզբ 2013 թ-ից հետո «թշնամության մակարդակի» հասած Թուրքիա-ԱՄԷ հարաբերություններում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |