Թուրք դիզայները Էրդողանի բողոքի հիման վրա դատապարտվել է ազատազրկման

Իրավական14:55, 07 Սեպտեմբեր 2021

Թուրք դիզայները Էրդողանի բողոքի հիման վրա դատապարտվել է ազատազրկման

Հագուստի թուրք մոդելավորող Բարբարոս Շանսալը Թուրքիայի Քրեական օրենսգրքի 301-րդ հոդվածի հիման վրա դատապարտվել է 3 ամիս 22 օր ազատազրկման։

Շանսալի դեմ քրեական գործ է հարուցվել Թուրքիայի և իշխող «Արդարություն և զարգացում» կուսակցության (ԱԶԿ-AKP) նախագահ Ռեջեփ Թայիփ Էրդողանի բողոքի հիման վրա։ Շանսալը մեղադրվում է «թուրք ազգին, թուրքական պետությանն ու իշխանություններին վիրավորելու» մեջ։

Ստամբուլի առաջին ատյանի քրեական դատարանը վճիռը հրապարակել է սեպտեմբերի 7-ին, սակայն մերժել է ազատազրկման պատիժը պայմանական ազատությամբ կամ դրամական տուգանքով փոխարինելու վերաբերյալ փաստաբանի միջնորդությունը։ Այժմ Շանսալը միայն կարող է բողոքարկել դատավճիռը վերաքննիչ դատարանում։

Նշենք, որ մեղադրանքի համար հիմք է ծառայել Բարբարոս Շանսալի կողմից 2017թ․ դեկտեմբերի 1-ին «Twitter»-ում հրապարակված մի տեսանյութ, որում Շանսալը Թուրքիայի իշխանություններին ուղղված քննադատական հայտարարություններ էր արել՝ կոչ անելով ժողովրդին՝ պայքարել սեփական իրավունքների համար։

Հավելենք, որ Բարբարոս Շանսալը 2016թ․դեկտեմբերի 31-ին սոցցանցերում կատարած մեկ այլ հրապարակման համար ևս 301-րդ հոդվածի հիման վրա դատարանի առաջ էր կանգնել։ Նա կարճ տեսաուղերձ էր հրապարակել՝ քննադատելով ամանորը տոնողներին մի երկրում, որտեղ բազմաթիվ լրագրողներ գտնվում են բանտերում, երեխաները շահագործվում են, իսկ բնակչությունը տառապում է աղքատությունից։ Այդ հայտարարության համար Շանսալը դարձյալ «թուրք ազգին և պետությանը հրապարակայնորեն վիրավորելու» մեղադրանքով դատապարտվել էր 6 ամիս 20 օր ազատազրկման, բայց պատժի կիրառումը պայմանականորեն հետաձվել էր։

Աղբյուր` bianet.org

Այս ենթաբաժնի վերջին նորությունները

14:33, 21 օգոս

Թուրքիան նոր քայլեր է ձեռնարկում Իսրայելի դեմ

Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։