Քաղաքական17:27, 06 Սեպտեմբեր 2021
Քրդամետ կուսակցությունը Թուրքիային կոչ է արել առերեսվել 1955թ. սեպտեմբերի 6-7-ի ջարդերի հետ
Թուրքիայի քրդամետ Ժողովուրդների դեմոկրատականկուսակցությունը (HDP) 1955 թվականի սեպտեմբերի 6-7-ի ջարդերի տարելիցի կապակցությամբ տարածած հայտարարության մեջ կոչ է արել թուրքական պետությանը առերեսվել այդ իրադարձության հետ՝ փոխհատուցելով նյութական և բարոյական կորուստները:
HDP կուսակցության ժողովուրդների և հավատքների հանձնաժողովի համանախագահ Թուլայ Հաթիմօղուլլարըն գրավոր հայտարարության մեջ նշել է, որ իրականացվող քաղաքականությունը, ինչպես օրինակ՝ 1915-ի ցեղասպանությունից մազապուրծ եղած հայերի վերադարձի արգելքը, 1936-ի հռչակագիրը, «Ունեցվածքի հարկը» և «Հիմնադրամների մասին» օրենքը, շարունակվել է սեպտեմբերի 6-7-ի ջարդերով:
Հայտարարության մեջ մեջբերելով նախկին թուրք պաշտոնյաների խոսքերը՝ քրդամետ կուսակցությունը նշել է, որ այն կազմակերպվել է պետության կողմից և պետական քաղաքականության մի մասն է կազմել:
Հայտարարության մեջ մասնավորապես նշված է.
«Միևնույն ժամանակ, հարձակումը ցայտուն օրինակն է այն բանի, թե ինչպես են պետության ղեկավարները միշտ օգտագործում ռասիզմն ու թշնամանքը իրար նկատմամբ՝ ստվերելու սոցիալական խնդիրները, քաղաքական ու տնտեսական ճգնաժամը: Ինչպես քրդերի դեմ այսօր աճող ռասիստականհարձակումները, այնպես էլ տարբեր ժողովուրդների և համոզմունքների նկատմամբ ատելության խոսքն ու հանցագործությունները դեռ շարունակվում են, և մենք բոլորս դեռ ապրում ենք սեպտեմբերի 6-7-ը»:
Հիշեցնելով, որ սեպտեմբերի 6-7-ի ջարդերը պաշտոնապես չեն դատապարտվել և որևէ քայլ չի ձեռնարկվել փոխհատուցման կամ ներման համար՝ Հաթիմօղուլլարըն ասել է. «Հավասար քաղաքացիություն ապահովելու, ատելությունից և ռասիզմից զերծ ապագա կառուցելու և հանրային համերաշխություն ապահովելու համար այս երկրի բնիկ ժողովուրդների դեմ ուղղված այս ամոթալի իրադարձության հետ հարկավոր է առերեսվել»:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |