Դիվանագիտական անցուդարձ Թուրքիայի և ԱՄԷ միջև

Քաղաքական16:04, 01 Սեպտեմբեր 2021

Դիվանագիտական անցուդարձ Թուրքիայի և ԱՄԷ միջև

Վերջին շրջանում դիվանագիտական աշխուժություն է նկատվում Թուրքիայի և Արաբական Միացյալ Էմիրությունների (ԱՄԷ) միջև: Այս մասին հայտնում է «Region monitor» լրատվական կայքը:

Թուրքական լրատվամիջոցները հայտնում են, որ օգոստոսի 31-ին հեռախոսազրույց է տեղի ունեցել Թուրքիայի արտաքին գործերի նախարար Մևլութ Չավուշօղլուի և ԱՄԷ-ի արտգործնախարար Աբդուլլահ բին Զայիդ Ալ Նահյանի միջև:

Ըստ այդ հրապարակումների՝ երկու երկրների ԱԳ նախարարները քննարկել են երկկողմ հարաբերություններին վերաբերող հարցեր:

Այս հեռախոսազրույցը վերջին 2 շաբաթվա ընթացքում երկու երկրների պաշտոնյաների միջև բարձր մակարդակով երրորդ շփումն է:

ԱԳ նախարարների մակարդակով հեռախոսազրույցից առաջ՝ օգոստոսի 18-ին, Թուրքիայի նախագահ Ռեջեփ Թայիփ Էրդողանն ընդունել էր ԱՄԷ ազգային անվտանգության հարցերով պատասխանատու շեյխ Թահնուն բին Զայեդ Նահյանին: Օգոստոսի 31-ին տեղի է ունեցել Էրդողանի և Աբու Դաբիի թագաժառանգ արքայազն Մուհամմադ բին Զայեդ Ալ Նահյանի հեռախոսազրույցը:

Թուրքական պաշտոնական հաղորդագրություններում նշվում է, որ այս շփումներում քննարկվել են երկկողմ հարաբերությունները և տարածաշրջանային հարցերը:

Այս պետությունների միջև քաղաքական, դիվանագիտական հարաբերությունները վերջին տարիներին սառը հակամարտային բնույթ են կրել: Մասնավորապես թուրքական իշխանական շրջանակները ԱՄԷ-ին մեղադրում են 2016թ. հուլիսի 15-ի հեղաշրջման փորձի կազմակերպմանը մասնակցելու մեջ: Հարաբերությունների լարվածության գործում մեծ դեր է ունեցել նաև Կատարի հարցը, որտեղ 2 երկրները դիրքավորվել էին հակադիր բևեռներում:

Նշենք նաև, որ այս ընթացքում թուրքական կողմի նախաձեռնությամբ քայլեր են ձեռնարկվում արաբական աշխարհի մեկ այլ կարևոր դերակատարի՝ Եգիպտոսի հետ հարաբերությունների կարգավորման ուղղությամբ: Սեպտեմբերի 7-8-ը Անկարայում տեղի է ունենալու Թուրքիա-Եգիպտոս քաղաքական խորհրդակցությունների երկրորդ փուլը:

Փաստացի, արաբական աշխարհում Թուրքիայի հիմնական մրցակից Սաուդիան Արաբիա-Եգիպտոս-ԱՄԷ-Բահրեյն գործընկերային քառյակի 2 անդամների հետ լարվածությունը նվազեցնելուն միտված քայլեր են իրականացվում:

Աղբյուր` Region Monitor

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»