Քաղաքական11:10, 30 Օգոստոս 2021
Էրդողանն արձագանքել է Նիկոլ Փաշինյանի հայտարարությանը
Թուրքիայի նախագահ Ռեջեփ Թայիփ Էրդողանը Բոսնիա և Հերցեգովինայից վերադառանալիս պատասխանել է լրագրողների մի շարք հարցերին՝ արձագանքելով նաև Հայաստանի վարչապետ Նիկոլ Փաշինյանի՝ «Թուրքիայից դրական ազդակներ կան, մենք այդ ազդակները կգնահատենք» հայտարարությանը։
Էրդողանի համոզմամբ՝ տարածաշրջանում նոր, կառուցողական մոտեցումների կարիք կա։ Ըստ նրա՝ «միակողմանի մեղադրանքների փոխարեն պետք է գերակշռող լինեն առաջ նայող, իրատեսական մոտեցումները»։
«Մենք հարաբերություններն աստիճանաբար կարգավորելու համար կարող ենք աշխատել Հայաստանի այն կառավարության հետ, որը կհայտարարի, որ պատրաստ է շարժվել այս ուղղությամբ։ Խաղաղությունն ու կայունությունը այսուհետ պետք է մնայուն դարձնենք և ապահովենք տնտեսական զարգացման ու տարածաշրջանային համագործակցության պայմանները»,- ասել է Էրդողանը։
Թուրքիայի նախագահը հիշեցրել է, որ Ադրբեջանն առաջարկել է Հայաստանի հետ բանակցություններ սկսել խաղաղության համապարփակ պայմանագրի վերաբերյալ։ Այնուհետև Էրդողանն անդրադարձել է նոյեմբերի 10-ի եռակողմ հայտարարությանը և տարածաշրջանի երկրների միջև հնարավոր համագործակցության հարցին։
«Ամբողջ տարածաշրջանը միմյանց կապելով, ինչպես համաձայնեցված է 2020թ․ նոյեմբերի 10-ի եռակողմ հայտարարության մեջ, նոր հնարավորություններ կստեղծվեն, որոնք կվերափոխեն Հարավային Կովկասը։ Պատրաստ ենք աշխատել բոլոր կողմերի հետ, որոնք ցանկանում են դրականորեն օգտագործել այս պատմական հնարավորությունը»,- ասել է Էրդողանը՝ հավելելով, որ 5-յակի կամ էլ 6-յակի հարթակի մասին իրենց առաջարկը ուժի մեջ է։
«Այս հարթակում են Թուրքիան, Ադրբեջանը, Ռուսաստանը, Իրանը և Հայաստանը։ Անգամ մենք ասացինք՝ Վրաստանին էլ ընդգրկենք դրանում։ Եթե այս հարթակը այս տեսքով ընդունվի, կարծում եմ, որ տարածաշրջանը շատ ավելի կհանգստանա, քանի որ տարածաշրջանում պետք է կառուցվեն երկաթուղիներ, ավտոճանապարհներ»,- ասել է Էրդողանը։
Նա տեղեկացրել է, որ այս հարցերը քննարկել է ՌԴ, Ադրբեջանի նախագահների հետ, որի ընթացքում ըստ Թուրքիայի նախագահի՝ կողմերը պայմանավորվածության են հասել։ Էրդողանը նշել է, որ այս հարցերի շուրջ իրենք կարող են խոսել նաև Իրանի նորընտիր նախագահի հետ։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |