Մշակութային14:06, 27 Օգոստոս 2021
Վանեցի հայը վերաթաղել է հայկական ավերված գերեզմանատան ոսկրակտորները

Ներկայիս Թուրքիայի հարավ-արևելյան Վան նահանգի Տուշպա շրջանին կից Քալեջիք թաղամասում գտնվող հայկական պատմական գերեզմանատունը վերջերս շինարարական տեխնիկայի միջոցով ավերվել էր այն անձի կողմից, որը հանդես էր եկել որպես տվյալ տարածքի սեփականատեր: Շիրմաքարերը շարժվել էին, իսկ ոսկրակտորները հայտնվել հողի մակերևույթին:
Գայանե Գևորգյանը, ով ցեղասպանությունից մազապուրծ եղածների սերունդներից է, ցեղասպանության 100-րդ տարելիցին Հայաստանից տեղափոխվել է Վան և բնակություն հաստատել այնտեղ:
Գևորգյանն այցելել է հայկական գերեզմանատուն և վերաթաղել ցաքուցրիվ եղած ոսկրակտորները: Նա քրդական «Mezopotamya Ajansı» լրատվական գործակալությանը տված հարցազրույցում արտասվելով, ասել է. «Չնայած որ 6 տարի այստեղ բնակվում եմ, այսպիսի դեպքի առաջին անգամ եմ ականատես լինում: Ինձ միշտ ասում են՝ «Հա՞յ ես: Երանի՝ չգնային, այստեղ դրախտ կլիներ (խոսքը հայերի մասին է- խմբ.)»: Դե այստեղ նայեք ու որոշեք՝ դրա՞խտ է, թե՞ դժողք: Գոնե հարգանքով վերաբերվեք մահացածներին»:
Գևորգյանը հայտնել է, որ բազմաթիվ հայեր փնտրում են իրենց պապերի գերեզմանները և հավելել.
«Նիդերլանդներից երեկ ինձ մի կին զանգահարեց և ասաց այն գյուղի անունը, որտեղ իր պապն է ապրել: Ուսումնասիրեցի. Պարզվեց՝ Արճեշում էր: Այդ կնոջ հայրը իր աղջկանից խնդրել էր, որ գտնի պապու գերեզմանը: Նրանք, ովքեր կգան այստեղ, մի օր կասեն՝ «այստեղ էին մեր պապերի շիրիմները»: Սակայն կգան ու այս տեսարանի ականատեսը կլինեն»:
Նրա փոխանցմամբ՝ հայկական գերեզմանների վրա թուրքական իշխանությունների որոշմամբ տներ պետք է կառուցվեն:
«Սրտիցս արյուն է կաթում: Նույնն անում են Ադրբեջանում հայկական գերեզմաների հետ»,- նկատել է Գևորգյանը:
Նա խնդրել է Վանի բնակչությանը, որպեսզի հետայսու չավերեն հայկական եկեղեցիներն ու գերեզմանները:
Գևորգյանը նաև հռետորական հարց է բարձրացրել. «Եթե լինեին իրենց գերեզմանները, ապա ինչպե՞ս կարձագանքեին»:
Այս ենթաբաժնի վերջին նորությունները

Նպատակը ավանդական տիկի պատրաստումը և կատարումը ոչ նյութական մշակութային արժեքների ցանկում ներառելն է։

Ֆիլմի նկարահանումները սկսվելու են 2024 թվականին։

Նախատեսվում է այն անցկացնել ապրիլի 14-ին Ֆուլյա Սուլեյման Սեբա մշակույթի և արվեստի կենտրոնում։
Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նախկինում ևս Մարդու իրավունքների եվրոպական դատարանը հանդես էր եկել նախազգուշացմամբ ՝ վերոնշյալ անձանց ազատ արձակելու համար։
Նա նաև նշել, որ ազգությամբ թուրք իր խորթ հայրն իրեն ստիպողաբար է սովորեցրել թուրքերեն:
«Մենք գոհ ենք հայ-ադրբեջանական երկխոսության գործընթացում գրանցված առաջընթացից»,- ասվում է նիստին հաջորդած հայտարարության տեքստում։
Թուրքիան պլանավորում է ցածր հեռահարության «Tayfun» հրթիռի խոցման հեռավորությունը հասցնել մինչև 1000 կմ-ի:
Նշվում է, որ ՀԿԹՀ այցի ընթացքում Էրդողանը կհանդիպի նախագահ Էրսին Թաթարի հետ, կրկին կընդգծի Թուրքիայի դիրքորոշումը Կիպրոսի հարցում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |