Էրդողան. «Թալիբանը» Քաբուլի օդանավակայանի վերաբերյալ առաջարկներ է ներկայացրել Թուրքիային

Տարածաշրջան16:24, 27 Օգոստոս 2021

Էրդողան. «Թալիբանը» Քաբուլի օդանավակայանի վերաբերյալ առաջարկներ է ներկայացրել Թուրքիային

Բոսնիա և Հերցեգովինա մեկնելուց առաջ Թուրքիայի նախագահ Ռեջեփ Թայիփ Էրդողանը լրագրողների հետ զրույցում խոսել է մի շարք հարցերից, այդ թվում և Աֆղանստանի խնդրից։

Էրդողանը նորից նշել է, որ անհրաժեշտության դեպքում իրենք կարող են բանակցել նաև «Թալիբանի» հետ: Նա նշել է, որ Աֆղանստանում այս պահին կա քաղաքական վակուում, և Թուրքիան Աֆղանստանի հարցում վերջնական որոշում կկայացնի, երբ լինի հստակեցում ընդհանուր իրավիճակի շուրջ։

Թուրքիայի նախագահը հայտնել է, որ «Թալիբանը» Քաբուլի օդանավակայանի աշխատանքների շարունակման հարցում առաջարկներ է ներկայացրել։

«Այժմ «Թալիբանը» Քաբուլի օդանավակայանի աշխատանքների շարունակման հարցում առաջարկներ է անում: Ասում են՝ անվտանգությունը մենք ապահովենք, իսկ գործարկումը դուք իրականացրեք: Հիմա անգամ այս հարցում մենք դեռ ընդունած որոշում չունենք, քանի որ այնտեղ ամեն պահի հնարավոր են մահվան դեպքեր և այլ դժբախտություններ»,-ասել է Էրդողանը։

Աղբյուր` Ermenihaber.am

Այս ենթաբաժնի վերջին նորությունները

16:10, 02 հուլ

2025-ի 1-ին 5 ամսում Թուրքիայից Իսրայել արտահանման ծավալը կազմել է մոտ 394 մլն դոլար

«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։

12:20, 02 հուլ

Թուրքիան մտադիր է դառնալ տվյալների բազայի ռեգիոնալ կենտրոն

Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։