Դիարբեքիրի փաստաբանների պալատը դատապարտել է քրդերենի նկատմամբ խտրական վերաբերմունքը

13:16, 26 Օգոստոս 2021

Դիարբեքիրի փաստաբանների պալատը դատապարտել է քրդերենի նկատմամբ խտրական վերաբերմունքը

Դիարբեքիրի փաստաբանների պալատը դատապարտել է հեռուստաեթերում քրդերեն խոսքն արգելած թուրք հեռուստահաղորդավարուհի Դիդեմ Արսլան Յըլմազի քայլը։ «Այս և նմանատիպ մեթոդները ցավոք ցույց են տալիս, որ անցյալի սահմանափակման, ժխտական ու ուծացման քաղաքականությունը շարունակվում է», - ասված է փաստաբանների պալատի հայտարարության մեջ։

Դիարբեքիրի փաստաբանները հիշեցրել են, որ նախկինում էլ Թուրքիայի Ազգային մեծ ժողովում քրդերեն խոսքը արձանագրություններում չի ներառվել՝ նշվելով որպես «անհայտ լեզու»։ Հայտարարությամբ նշվել է, որ Թուրքիայի շուրջ 25 միլիոն քաղաքացիների մայրենի լեզուն հանդիսացող քրդերենի՝ երկրի պետական ու հանրային հաստատությունների կողմից որպես «անհայտ, անհասկանալի» լեզու բնութագրումը անընդունելի է։

«Աշխարհի ամենահարուստ լեզուներից մեկի՝ քրդերենի նկատմամբ այս ու նմանատիպ միջոցների կիրառումը հանրության շրջանում արդարացի անհանգստություն ու բողոք է առաջացնում։ Դիարբեքիրի փաստաբանների պալատը դատապարտում է քրդերենի վերաբերյալ նմանատիպ բնութագրումներն ու կամայական սահմանափակումները։ Պահանջում ենք, որ այս և նմանատիպ քայլերի պատասխանատուների նկատմամբ անհրաժեշտ օրինական ու վարչական հետաքննություն սկսվի։ Հայտարարում ենք, որ Դիարբեքիրի փաստաբանների պալատը հետևելու է այդ գործընթացների արդյունավետ կատարմանը», - ասված է հայտարարության մեջ։

Աղբյուր` rudaw.net

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։