Մշակութային14:46, 25 Օգոստոս 2021
Թուրքիայում Ամասիայի թանգարանը թաքցնում է ցուցանմուշների հայկական ծագումը (լուսանկարներ)
Թուրքիայի Ամասիայի թանգարանում հայկական մշակութային ժառանգության նմուշները ցուցադրվում են, բայց դրանց ծագումը լռության է մատնվում։ Այս մասին «Twitter»-ի թուրքական տիրույթում ահազանգում է օգտատերերից մեկը՝ նշելով, որ հայկական ժառանգությունը ընդգրկվել է Բյուզանդիայի պատմության ցուցասրահում ու դրանց հայկական ծագման մասին ոչ մի խոսք չկա։ Անգամ բաց վիճակում ցուցադրվող հնագույն հայերեն Աստվածաշունչ գրքերի համար որևէ տեղ նշված չէ, որ հայերեն են։
«Ամասիայի թանգարանի «Արևելյան Հռոմեական / Բյուզանդական կայսրություն» բաժինը լի է սխալներով։ Անփորձությունն, անտեղյակությունն, անտարբերությունն ու գիտակցաբար տեղեկությունները կոծկոլու միտումը խառնվել են իրար։ Ահա այս երկրում անցյալի հանդեպ անվերջ վախի ևս մեկ օրինակ․ Մարիամ Աստվածածնի այս արձանը, ըստ պնդման, պատկանում է Արևելյան Հռոմեական կայսրության ժամանակներին։
Արևելյան Հռոմեական կայսրության անվան տակ ներկայացվում են Ամասիայից ու շրջակա տարածքներից բերված և 19-րդ դարին պատկանող արձաններ, սրբապատկերներ, Աստվածաշունչ մատյաններ։ Բայց ոչ մի բացատրություն չկա այն մասին, թե դրանք որտեղից ու ինչ ճանապարհներով են այդտեղ հասել, իսկ եթե կա, շատ թերի, կցկտուր է։ Աստվածաշունչները հայերեն են, բայց հայերեն լինելու վերաբերյալ այցելուներին ոչ մի տեղեկություն չի տրվում», - գրել է Բաշաք անունով օգտատերը։
Նա նաև տարակուսանք է հայտնել թանգարանի մյուս բաժիններում ներկայացվող տեղեկությունների իսկության վերաբերյալ․ «Եթե ինձ ծանոթ թեմաներում վիճակն այսպիսին է, ինչպիսի՞ սխալներ կարող են լինել այն բաժիններում, որոնց վերաբերյալ գիտելիքներ չունեմ։ Ինչպե՞ս կարող եմ հավատալ այստեղ իմ կարդացած բացատրություններին։ Արդյոք այս թանգարանը որևէ ճիշտ տեղեկություն ներկայացնո՞ւմ է», - նկատել է նա։
Amasya Müzesi Doğu Roma/Bizans bölümü hatalarla dolu. Cahillik, iş bilmezlik, umursamazlık ve kasti bilgi saklama iç içe geçmiş. Sergileme tercihleri sıkıntılı. Bu ülkedeki bitmeyen geçmiş korkusunun örneği olarak gösterilebilir. Bu Meryem Ana heykeli Doğu Roma dönemine aitmiş!?! pic.twitter.com/gUfMlVdptb
— Başak (@carnafauna) August 24, 2021
Այս ենթաբաժնի վերջին նորությունները
Անի այցելողներն այսուհետև հնարավորություն են ունենալու տեսնել հայկական պատմամշակութային ժառանգության կոթողները՝ շրջելով շուրջ 100 հեկտար տարածքն այդ կառքով։
Դրանով հանդերձ պահպանվել է նաև հայ կաթոլիկ համայնքի՝ եկեղեցում պատարագներ անցկացնելու իրավունքը:
Բեմադրությունն արգելելու համար նահանգապետարանը որպես հիմք է ներկայացրել զանգվածային միջոցառումների արգելանքի մասին որոշումը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այդ անհարմար հարցի հնչելուց անմիջապես հետո թուրքական պետական «TRT» հեռուստաալիքը դադարեցրել է ասուլիսը լուսաբանող ուղիղ եթերը:
Նուման Քուրթուլմուշ. «Մենք ցանկանում ենք, որ Հայաստանը Կովկասի խաղաղությանն աջակցի ոչ թե հայկական լոբբիի ցույց տված ուղղությամբ, այլ Հայաստանում ապրող հայ ժողովրդի շահերին համապատասխան»:
1սմ հողի առաջացման համար 500 տարի է պահանջվում, սակայն Թուրքիան 1սմ հող է կորցնում 15 տարվա ընթացքում։
Դմիտրի Պեսկովը հարցազրույց է տվել հունական հեռուստալիքներից մեկին՝ Սոչիում Վլադիմիր Պուտինի ու Հունաստանի վարչապետի միջև կայանալիք հանդիպումից առաջ:
Մեկ չափահասին բաժին ընկնող միջին տարեկան եկամուտը կազմում է 85.000 լիրա (6.250 դոլար):
Օրացույց
արտարժույթ
| EUR | TRY | USD |
| 549.84 | 90.05 | 485.12 |