Քաղաքական14:52, 10 Օգոստոս 2021
Վրաստանի վարչապետ. «Մենք շատ են կարևորում Թուրքիայի հետ բարեկամությունն ու համագործակցությունը»
Օգոստոսի 9-ին Վրաստանում ներկայացվել է արտգործնախարարության գործողությունների 10-ամյա պլանը։
Բացման ելույթում Վրաստանի վարչապետ Ղարիբաշվիլին հայտարարել է, որ իրենց կառավարության հիմնական ուղղություններից մեկը հարևանների հետ տարվող հաջող քաղաքականությունն է։
Նա նշել է, որ Վրաստանը յուրօրինակ հարաբերություններ ունի իր երեք հարևանների՝ Ադրբեջանի, Հայաստանի, Թուրքիայի հետ։
«Վերջին շրջանի մեր հաջող քաղաքականության արդյունքն այն է, որ մեր միջնորդությամբ համաձայնության եկանք մեր եղբայրների՝ ադրբեջանցիների և հայերի հետ, որն էլ հնարավոր դարձրեց հայ զինծառայողների ազատ արձակումը, ինչպես նաև Ադրբեջանի համար կարևոր փաստաթղթերի՝ քարտեզների տրամադրում, որոնք կապված էին ականապատ տարածքների հետ։ Սա հաջողված նախադեպ է, որը մենք բոլորս միասին՝ 3 հարևան երկիր, իրականացրինք։ Հենց սա պիտի լինի մեր գլխավոր ուղղություններից մեկը, որ Վրաստանն իսկապես դառնա տարածաշրջանում խաղաղության և կայունության նախաձեռնողներից մեկը։ Այս հարթակը, որը մենք կարող ենք առաջարկել մեր հարևան և բարեկամ պետություններին, անպայման պետք է զարգացվի, և մենք պետք է ակտիվ լինենք այդ ուղղությամբ,- հայտարարել է Ղարիբաշվիլին։
Այնուհետև անդրդառնալով Թուրքիայի և Վրաստանի միջև երկկողմ համագործակցության և ռազմավարական փոխգործակցության թեմային՝ ասել է. «Թուրքիայի հետ ռազմավարական գործընկերություն ունենք և բնականաբնար մեծ կարևորություն ենք տալիս բարեկամությանն ու համագործակցությանը»:
Ղարբաշվիլին, հիշեցնելով Թուրքիայի նախագահ Ռեջեփ Թայիփ Էրդողանի հետ հունիսի հանդիպումը, նշել է, որ վերջինիս հետ հաջողված հանդպում է ունեցել:
Նա նաև հայտնել է, որ այս տարեվերջին կկայանա Թուրքիա-Վրաստան բարձր մակարդակի ռազմավարական համագործակցության խորհրդի նիստը:
Այս ենթաբաժնի վերջին նորությունները
Ընդդիմադիր պատգամավոր Օմեր Օջալանը մամուլի ասուլիս էր հրավիրել՝ խոսելու Ադբուլլահ Օջալանի բանտային պայմաններից։
Անա Փիսոներոն անդրադարձել է Թուրքիայի նախագահի կողմի արված հայտարարություններին և ԵՄ-ին Թուրքիայի անդամակցության գործընթացին։
Սաբբահ «Եթե նրանք պնդում են, որ այդ անօրինական օկուպացիայից չեն նահանջում և մնում են, ուրեմն այդ պարագայում դա խանգարում է Թուրքիայի հետ ցանկացած շփմանը»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ստամբուլում հրատարակվող հայկական «Ակոս» թերթի կայքում հրապարակվել է «Զանգեզուրի միջանցքում համառության պատճառը» հոդվածը
Ընդդիմադիր, ձախակողմյան «Haber sol» լրատվամիջոցում հրապարակվել է թուրք վերլուծաբան Էնգին Սոլաքօղլուի «Հարավային Կովկասի զավեշտախաղը» հոդված:
Մերկելը նաև նշել է, որ Գերմաիայում մշտական բնակություն հաստատածների թիվն աճել է և այդ մարդկանց հասարակության մեջ ինտեգրելու խնդիրը շարունակվում է։
Թուրքիայի հյուիսիս-արևմուտքում գտնվող Ստամբուլի նահանգում տեղած հորդառատ անձրևները ջրհեղեղների պատճառ են դարձել:
Իրանի հոգևոր առաջնորդի միջազգային հարաբերությունների գլխավոր խորհրդականն անդրադարձել է տարածաշրջանում Հյուսիսատլանյտան դաշինքի կողմից ձեռնարկվող քայլերին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |