15:12, 09 Օգոստոս 2021
Զեկույց․ Թուրքիայում թշվառությունը ամենաբարձր մակարդակի է հասել
Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) խորհրդարանական խմբակցությունը երկրի սոցիալ–տնտեսական վիճակի մասին զեկույց է հրապարակել։
Ըստ այդմ՝ Թուրքիայում տիրող տնտեսական անորոշությունը, աճող ինֆլյացիան (գնաճ) ու գործազրկությունը այդ երկիրը հասցրել են թշվառության ինդեքսի ամենաբարձր հորիզոնականներ։ «Oxford Econommics»-ի կողմից կազմվող այդ ինդեքսում Թուրքիան վերջին տարիներին միշտ առաջատարների շարքում է։ Երկրների թշվառության մակարդակը հաշվարկվում է գործազրկության ու գնաճի համադրմամբ՝ բնակչության միջին տնտեսական վիճակը ցույց տալու նպատակով։
Զեկույցի համաձայն՝ Թուրքիայում գործազրությունը 13․2 տոկոս է, իսկ ինֆլյացիան՝ 18․95 տոկոս։ Հետևաբար, Թուրքիայի թշվառության միավորը՝ 32 է։ Դա վերջին տարիներին այս ոլորտում Թուրքիայի ստացած ամենաբարձր միավորն է։
Թուրքիայում ամռան ամիսներին անգամ գնաճը շարունակվում է։ Միայն հուլիսին ինֆլյացիայի մակարդակը բարձրացել է 1․8 տոկոսով։ Դա վերջին տարիների համար Թուրքիայում սպառողական գների աճի ամենամեծ ցուցանիշն է։ Իսկ տարեկան ինֆլյացիան կազմել է 18.95 տոկոս, ինչը վերջին 27 ամսվա ամենաբարձր ցուցանիշն է։
Զեկույցում անվստահություն է հայտնվել նաև Թուրքիայի վիճակագրական ընկերության (TÜİK) տվյալների նկատմամբ։ Ըստ TÜİK-ի՝ վերջին ամիսներին երկրում զգալի նվազել է գործազուրկների թիվը։ Մինչդեռ ԺՀԿ զեկույցի հեղինակները համոզված են, որ երկրում գործազրկության իրական մակարդակը 27․4 տոկոս է ու այն անփոփոխ է մնացել։ Այլ կերպ ասած՝ իրականում այս պահին Թուրքիայում 9․7 մլն գործազուրկ կա։
Արձանագրվել է, որ սննդի ոլորտում տարեկան գնաճը կազմել է 24․92 տոկոս։ Սննդի ծախսերը սպառողների ընդհանուր ծախսերի ամենամեծ մասն են կազմում։ Մարդիկ իրենց ընդհանուր ծախսերից շուրջ 25․9 տոկոսը տրամադրում են սննդին։ Իսկ հատկապես աղքատ բնակչության ծախսերի շուրջ 35 տոկոսը կատարվում է միայն սնունդ ձեռք բերելու նպատակով։ Երկրորդ ամենածախսատար ոլորտը, որի համար սպառողները ծախսում են իրենց գումարի շուրջ 15 տոկոսը, տրանսպորտն է, որտեղ գնաճը կազմել է 24․6 տոկոս։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |