Էրդողանի գործունեության նկատմամբ համընդհանուր վստահությունը նվազել է

Քաղաքական17:45, 09 Օգոստոս 2021

Էրդողանի գործունեության նկատմամբ համընդհանուր վստահությունը նվազել է

«MetroPoll» ընկերությունը հրապարակել է «Թուրքիայի զարկերակը․ հուլիս 2021» խորագրով իր զեկույցի այն հատվածը, որը վերաբերում է նախագահ Ռեջեփ Թայիփ Էրդողանի աշխատաոճի նկատմամբ ընտրողների վերաբերմունքին։

Ըստ այդմ՝ հարցվածների 48․1 տոկոսը հայտարարել է, որ հավանություն է տալիս Էրդողանի գործելաոճին, իսկ 47 տոկոսը դժգոհություն է հայտնել այդ առթիվ։ Հարցվածների 4․9 տոկոսն էլ դժվարացել է պատասխանել։

Ուշագրավ է, սակայն, որ հենց «Արդարություն և զարգացում» կուսակցության (ԱԶԿ-AKP) ներսում Էրդողանի գործելաոճին հավանություն է տվել միայն ընտրողների 81․3 տոկոսը, այն դեպքում, երբ նախորդ ամիս՝ 2021թ․ հունիսին, այդ ցուցանիշը կազմում էր 89 տոկոս։

Այլ կերպ ասած՝ մեկ ամսվա ընթացքում ԱԶԿ-ականների շրջանում Էրդողանի նկատմամբ անվստահությունն ու դժգոհությունը կրկնապատկվել է՝ 8․9 տոկոսից հասնելով 16․8 տոկոսի։

Մյուս կողմից, ԱԶԿ-ի խորհրդարանական դաշնակից «Ազգայնական շարժում» կուսակցության (ԱՇԿ-MHP) ներկայացուցիչների շրջանում նույն ժամանակահատվածում Էրդողանի վարկանիշը բարձրացել է։ Եթե հունիսին Էրդողանի գործունեությանը հավանություն էր տալիս ԱՇԿ-ական ընտրողների 53․1 տոկոսը, ապա հուլիսին այդ ցուցանիշն աճել է շուրջ 23 տոկոսով՝ հասնելով 76․8 տոկոսի։

Ուշագրավ է նաև, որ ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) շարքերում հուլիսի դրությամբ Էրդողանի գործուներության նկատմամբ վստահությունը նախորդ ամսվա համեմատ աճել է շուրջ 20․5 տոկոսով՝ 12․4 տոկոսից հասնելով 32․9 տոկոսի։

Հանրապետական դաշինքի մեկ այլ անդամի՝ «Saadet» կուսակցության ներկայացուցիչների շրջանում Էրդողանի հանդեպ գոհունակությունը մեկ ամսում 31․6 տոկոսից հասել է 68․4 տոկոսի, իսկ «İyi» կուսակցության անդամների շրջանում՝ 9․9 տոկոսից բարձրացել է մինչև 11․9 տոկոս։

Աղբյուր` demokrathaber.orrg

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: