Հասարակական16:44, 02 Օգոստոս 2021
Ռուս ուսանողը անհետ կորել է Թուրքիայում
Վարշավայի Համակարգչային գիտությունների ակադեմիայի ինֆորմատիկայի ֆակուլտետում սովորող 20-ամյա ռուս Մակար Ֆյոդորովիչ Ռագինը կորել է Ստամբուլում։ Հուլիսի 16-ին հանգստի նպատակով Թուրքիա մեկնած երիտասարդը հուլիսի 28-ին դուրս է եկել Ստամբուլի Ֆաթիհ շրջանում գտնվող հյուրանոցից ու այլևս չի վերադարձել։
Ռագինին գտնելու նպատակով Թուրքիա են մեկնել վերջինիս ծնողները։ Երիտասարդի մասին վերջին փաստական տվյալները հյուրանոցից դուրս գալիս անվտանգության տեսախցիկների արձանագրած կադրերն են։
Վերջին անգամ ծնողների հետ սոցիալական ցանցերում զրույցի ժամանակ տղան ասել է, որ պատրաստվում է մեկնել Իշխանաց կղզիներ։ Հաջորդ երեք օրերի ընթացքում Ռագինը չի պատասխանել հեռախոսազանգերին, իսկ վերջին երկու օրերին հեռախոսն ընդհանրապես անջատված է եղել։
Երիտասարդի ընտանիքը Ստամբուլի տարբեր շրջաններում ապարդյուն փնտրել է նրան։ Ենթադրում են, որ Ռագինը կարող էր որպես փախստական որևէ ապաստան տարվել, այդ դեպքում հեռախոսը նրանից կվերցնեին։
Թուրքական ոստիկանությունը ու Ռուսաստանի հյուպատոսարանը ևս միացել են երիտասարդի որոնումներին։
Այս ենթաբաժնի վերջին նորությունները
Դեպքի վայր ժամանած հրշեջ փրկարարական ջոկատներն այս պահի դրությամբ ջանքեր են գործադրում հրդեհը մարելու ուղղությամբ։
Փեքերն ակնարկել է, որ հնարավոր մահափորձերի հետևում կանգնած է լինելու «Պաշտպանական խորհրդատվության ընկերությունը» (SADAT):
Առաջին եռյակում ընդգրկված են Հնդկաստանը, Թայլանդը և Չինաստանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Առաջիկայում Թուրքիան պատրաստվում է նոր ռազմական գործողություններ սկսել Սիրիայի հյուսիսում քրդական ուժերի դեմ:
Որպես հավանական ռազմական գործողության ուղղություն նշվել է Թել Ռըֆաթ շրջանը:
Թուրքիայի արտարժույթի շուկայում շարունակում է պահպանվել անկայունությունը։
Այս մասին հայտնում է Թուրքիայի Պետական օդանավակայանների կառավարման վարչությունը (DHMİ)։
Այս մասին ասել է Թուրքիայի էներգետիկայի և բնական պաշարների նախարար Ֆաթիհ Դյոնմեզը։
Օրացույց
արտարժույթ
| EUR | TRY | USD |
| 549.84 | 90.05 | 485.12 |