Էլեկտրամատակարարման համատարած անջատումներ Թուրքիայում

15:22, 02 Օգոստոս 2021

Էլեկտրամատակարարման համատարած անջատումներ Թուրքիայում

Օգոստոսի 2-ին Թուրքիայի մի շարք քաղաքներում էլեկտրաէներգիայի չնախատեսված համատարած անջատումներ են գրանցվել։ Մասնավորապես Ստամբուլ, Իզմիր, Անկարա, Գազիանթեփ, Քոնյա, Բուրսա, Ադանա, Մերսին, Քրքլարելի, Հաթայ, Ուշաք, Մանիսա և էլի մի շարք քաղաքներ մնացել են առանց էլեկտրական էներգիայի։

Մինչ սոցցանցերում քաղաքացիները բողոքի ալիք են բարձրացրել, էլեկտրաէներգիայի մատակարարման պատասխանատու ընկերությունների ինտերնետային կայքերը խափանվել են, իսկ ընկերությունները որևէ մեկնաբանություն չեն արել։ Էլեկտրամատակարարման ընկերություններից միայն BEDAŞ-ն ու UEDAŞ-ն են բնակիչներին բջջային հաղորդագրություններ ուղարկել՝ տեղեկացնելով, որ անջատումների պատճառը ծագած տեխնիկական խնդիրներն են։

Իսկ Թուրքիայի էներգետիկայի նախարարությունը հայտարարել է, որ վերջին շրջանում երկրում օդի ջերմաստիճանը նորմայից զգալիորեն բարձր է, ինչի հետևանքով էլ վերջին շաբաթների ընթացքում էլեկտրաէներգիայի սպառումը ռեկորդային մակարդակի է հասել։ Նախարարությունը նշել է, որ մասնակի անջատումները պայմանավորված են հենց այդ հանգամանքով և հավաստիացրել, որ էլեկտրաէներգիայի մատակարարումը արդեն վերականգնվել է։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Հնդկաստանում կոչ են անում. «Թուրքիայի փոխարեն գնացեք Հունաստան»

Հնդկաստանի իշխանությունները մտադիր են 15 տոկոսով կրճատել Թուրքիայի հետ ունեցած առևտրաշրջանառությյունը։

Թուրքիայում տրվել է ցունամիի նախազգուշացում

Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։