Բարզանին հանդիպել է Իրաքում Թուրքիայի նորանշանակ դեսպանի հետ

Քաղաքական17:22, 28 Հուլիս 2021

Բարզանին հանդիպել է Իրաքում Թուրքիայի նորանշանակ դեսպանի հետ

Իրաքի հյուսիսում Քուրդիստանի ինքնավարության կառավարության ղեկավար Նեչիրվան Բարզանին Էրբիլում ընդունել է Իրաքում Թուրքիայի դեսպան Ալի Ռըզա Գյունեի գլխավորած պատվիրակությանը:

Հանդիպմանը ներկա են գտնվել նաև Էրբիլում Թուրքիայի գլխավոր հյուպատոս Հաքան Քարաչայը և Իրաքյան Քուրդիստանի արտաքին հարաբերությունների գերատեսչության ղեկավար Ֆելահ Մուսթաֆան:

Բարզանին շնորհավորել է Գյունեին Իրաքում Թուրքիայի դեսպան նշանակվելու կապակցությամբ և վերջինիս հաջողություններ մաղթել:

Կողմերը հանդիպմանը քննարկել են Թուրքիայի հետ Իրաքյան Քուրդիստանի ինքնավարության և Իրաքի հարաբերությունները, ինչպես նաև ընդգծել բոլոր ոլորտներում փոխադարձ կապերի ամրապնդումը:

Բացի այդ, հանդիպմանը քննարկվել է Իրաքում և տարածաշրջանում առկա իրավիճակը, ինչպես նաև Իրաքում անցկացվելիք արտահերթ խորհրդարանական ընտրություններին, Covid-19 համավարակին, ահաբեկչության դեմ պայքարին և «Իսլամական պետություն» (ԻՊ) ահաբեկչական խմբավորման սպառնալիքներին առնչվող մի շարք հարցեր:

Աղբյուր` rudaw.net

Այս ենթաբաժնի վերջին նորությունները

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։