Թուրքիայի ԱԳՆ խոսնակ. «Թուրքիան չի ընդունի փախստականների նոր հոսք»

Տարածաշրջան13:21, 27 Հուլիս 2021

Թուրքիայի ԱԳՆ խոսնակ. «Թուրքիան չի ընդունի փախստականների նոր հոսք»

Թուրքիայի արտաքին գործերի նախարարության խոսնակ Թանժու Բիլգիչը, ի պատասխան Ավստրայի կանցլեր Սեբաստիան Կուրցի հնչեցրած հայտարարության, նշել է, որ Թուրքիան չի պատրաստվում տուժողի կարգավիճակում հայտնվել տարածաշրջանային զանգվածային միգրացիոն ճգնաժամի պատճառով:

Բիլգիչը գրավոր հայտարարությամբ է հանդես եկել Ավստրայի կանցլերի այն խոսքերի առնչությամբ, որտեղ Թուրքիան մատնանշվում էր որպես լավագույն վայր աֆղանստանցի փախստականների համար։

Թուրք պաշտոնյան հայտարարության մեջ մասնավորապես նշել է. «Նախևառաջ Թուրքիան Աֆղանստանին հարևան երկիր չէ, ինչպես հայտարարել է կանցլեր Կուրցը: Փոխանակ շեշտը դնելու համաշխարհային օրակարգում հայտնված անօրինական միգրացիայի խնդրի լուծման համատեղ ջանքերի և համագործակցության վրա՝ «ներգաղթյալները չպետք է գան այստեղ, այլ պետք է ուրիշ տեղ գնան» մակարդակի հայտարարությունները եսասիրական են և օգուտ չեն բերում ոչ մեկին»:

Թանժու Բիլգիչը շեշտել է նաև, որ Թուրքիան չի պարաստվում իր վրա վերցնել տարածաշրջանային զանգվածային միգրացիաների հետևանքների պատասխանատվությունը։ Ըստ նրա ձևակերպման՝ Թուրքիան Եվրամիության սահմանների պահնորդը չէ։

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։