Իրանի սահմանով Թուրքիա անցնող աֆղանստացի փախստականների թիվն աճում է (տեսանյութ)

Իրավական16:27, 27 Հուլիս 2021

Իրանի սահմանով Թուրքիա անցնող աֆղանստացի փախստականների թիվն աճում է (տեսանյութ)

Ամերիկացի զինվորականների՝ Աֆղանստանից դուրս գալու մասին պայմանավորվածություններից հետո հաճախակիացել են այդ երկրից Իրանի տարածքով Թուրքիա մուտք գործելու ապօրինի դեպքերը: Այդ անցումները տեղի են ունենում հիմնականում Վանի նահանգի հատվածից ու հաճախ տեղացի բնակիչների կողմից նկարահանվում և տարածվում են սոցցանցերում:

Նմանատիպ մի տեսանյութ է հրապարակել թուրքական «Artı gerçek» լրատվակայքը, որում երևում է Վան անցնող ավելի քան 100 հոգանոց փախստականների խումբը:

Türkiye-İran sınırından yeni görüntüler: Yüzlerce Afgan göçmen toplu halde sınırı geçti
Seda TAŞKIN'ın haberi @sedaa_tskn https://t.co/YYJkYXm9iG pic.twitter.com/wvswJfJd5g
— Artı Gerçek (@artigercek) July 27, 2021

Նշվում է, որ միայն վերջին 1 շաբաթվա ընթացքում Իրանի կողմից Թուրքիայի սահմանն ապօրինի հատած ավելի քան 1500 փախստական է ձերբակալվել այդ երկրի համապատասխան ծառայությունների կողմից: Ձերբակալվածների ճնշող մեծամասնությունը Աֆղանստանից են:

Նշենք նաև, որ Թուրքիայում քիչ չեն փախստականների ապօրինի տեղափոխմամբ զբաղվող անձիք: Նրանք գումարի դիմաց փախստականներին գաղտագողի ճանապարհներով հասցնում են երկրի արևմտյան սահման, որտեղից արդեն փախստականները փորձում են անցնել Եվրոպա:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։