Մերկելը գովել է Թուրքիային, սակայն ասել է, որ չի կարծում, թե Թուրքիան ԵՄ անդամ կդառնա

Քաղաքական12:30, 23 Հուլիս 2021

Մերկելը գովել է Թուրքիային, սակայն ասել է, որ չի կարծում, թե Թուրքիան ԵՄ անդամ կդառնա

Գերմանիայի կանցլեր Անգելա Մերկելը լրագրողների հետ հանդիպմանը Թուրքիային վերաբերող տարբեր թեմաներով հայտարարություններ է արել:

Կանցլերը վատատեսական գնահատականներ է հնչեցրել Թուրքիայի եվրաանդամակցության գործընթացի վերաբերյալ՝ ասելով, որ չի կարծում, թե այդ երկիրը կդառնա Եվրամիության անդամ:

«Ես չեմ տեսնում Թուրքիայի նախադրյալներ ԵՄ անդամ դառնալու համար: Սակայն ամեն դեպքում ջանքեր եմ գործադրում Թուրքիայի հետ լավ հարաբերություններ ունենալու համար»,- ասել է Մերկելը:

Վերջինս Թուրքիայի հասցեին դրվատանքի խոսքեր է ասել սիրիացի փախստականներին ապաստան տրամադրելու համար:

«Թուրքիան այս հարցում լավ գործեր է կատարել, և մենք էլ, որպես Եվրոպա, օգնել ենք նրան: Եվս 3 մլրդ եվրո փոխանցում կկատավի այդ նպատակով»,- ասել է Գերմանիայի առաջնորդը՝ ավելացնելով, որ ինքը կողմ է Թուրքիայի հետ ԵՄ-ի կնքած միգրացիոն համաձայնագրի գործողության շարունակականությանը:

Մերկելը նաև անդրադարձել է Կիպրոսի խնդրով թուրք-հունական հարաբերությունների վերջին լարվածությանը՝ նշելով, որ դեռ հույսը չի կորցրել կողմերի համաձայնության հասնելու հարցում:

Աղբյուր` Sözcü

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։