Լավրովը մտահոգություն է հայտնել Վարոշայի վերաբերյալ Էրդողանի հայտարարության կապակցությամբ

Քաղաքական11:23, 22 Հուլիս 2021

Լավրովը մտահոգություն է հայտնել Վարոշայի վերաբերյալ Էրդողանի հայտարարության կապակցությամբ

Ռուսաստանի և Կիպրոսի արտաքին գործերի նախարարներ Սերգեյ Լավրովը և Նիկոս Խրիստոդուլիդեսը հեռախոսազրույց են ունեցել, որի ընթացքում քննարկել են Կիպրոսի Ֆամագուստա քաղաքի Վարոշա փակ շրջանի շուրջ ստեղծված իրավիճակը:

Լավրովը շեշտել է, որ պետք է իրականացվեն ՄԱԿ-ի Անվտանգության խորհրդի բանաձևերը, որոնք նախատեսում են Կիպրոսում ստեղծել երկու գոտի ունեցող երկհամայնքային դաշնություն կղզու հունական և թուրքական համայնքների միջև և այդ ամենը բանակցությունների միջոցով:

Անդրադառնալով Վարոշայի հարցին՝ Լավրովը նշել է նաև, որ անհրաժեշտ է ձեռնպահ մնալ ցանկացած քայլից, որը կբերի իրավիճակի ապակայունացման և լրացուցիչ խոչընդոտներ կստեղծի Կիպրոսի խնդրի լուծման համար:

Հիշեցնենք, որ Հյուսիսային Կիպրոսի ինքնահռչակ թուրքական հանրապետության ղեկավար Էրսին Թաթարը և Թուրքիայի նախագահ Ռեջեփ Էրդողանը Վարոշայի բացման ու բնակեցման վերաբերյալ հայտարարություններով են հանդես եկել: Նշյալ հայտարարությունները քննադատել են Հունաստանը, Կիպրոսը, Մեծ Բրիտանիան, Եգիպտոսը և Ֆրանսիան։

Աղբյուր` Ermenihaber.am

Այս ենթաբաժնի վերջին նորությունները

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։