Թուրքիայում կատաղած ցուլը ներխուժել է սրճարան (տեսանյութ)

Հասարակական12:52, 20 Հուլիս 2021

Թուրքիայում կատաղած ցուլը ներխուժել է սրճարան (տեսանյութ)

Թուրքիայում «Զոհաբերության տոնի» (Kurban Bayramı) ժամանակ խոշոր եղջերավոր անասունների փախուստի դեպքեր են գրանցվել, ինչի հետևանքով մսագործները ստիպված են եղել ընկնել նրանց հետևից:

Անկարայի Յենիմահալլե շրջանում ցուլը փախել է մսագործի մոտից՝ ստիպելով քաղաքացիներին կիլոմետրերով վազել իր հետևից: Փողոցներում խցանում է առաջացել, իսկ այն քաղաքացիները, որոնք ցանկացել են բռնել ցուլին, կոտոշահարվել են:

Ցուլի արկածներն այդքանով չեն սահմանափակվել. մտել է սրճարան՝ ահ ու սարսափ տարածելով քաղաքացիների շրջանում: Սրճարանում մարմնական վնասվածք է ստացել 4 մարդ:

Այս ամենն արձանագրել են սրճարանի անվտանգության տեսախցիկները: Ի վերջո, հաջողվել է ցուլին բռնել:

Հիշեցնենք, որ իսլամական աշխարհում «Զոհաբերության տոնի» ժամանակ «արյան գետեր են հոսում»: Մուսուլման հավատացյալները մորթում են խոշոր եղջերավոր անասուններ:

Ընդհանրապես այս տոնի ժամանակ, որը տևում է 4 օր, կենդանիներին մորթում են հատուկ զոհի համար նախատեսված վայրերում, ապա եփելով միսը՝ այն բաժանում են հարևաններին, մտերիմներին և աղքատներին՝ հուսալով, որ ալլահը կընդունի այդ զոհաբերությունը:

Աղբյուր` hurriyet.com.tr

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։