Սոցհարցում Թուրքիայում.«Եթե հիմա ընտրություններ լինեն, կքվեարկե՞ք Էրդողանի օգտին»

Քաղաքական12:13, 17 Հունիս 2021

Սոցհարցում Թուրքիայում.«Եթե հիմա ընտրություններ լինեն, կքվեարկե՞ք Էրդողանի օգտին»

Թուրքիայում իշխանամերձ «ORC» հետազոտական ընկերությունը հունիսի 8-14-ը հարցում է իրականացրել՝ փորձելով պարզել՝ ինչ արդյունքներ կլինեն երկրում, եթե այս կիրակի անցկացվեն ընտրություններ։

Սոցհարցումն անցկացվել է Թուրքիայի 12 նահանգում և 30 խոշոր քաղաքներում, որին մասնակցել է 8․350 մարդ: Հարցվածների 49.2 տոկոսը կողմ է արտահայտվել արտահերթ ընտրությունների անցկացմանը:

«Եթե այս կիրակի ընտրություններ լինեն, կքվեարկե՞ք Էրդողանի օգտին» հարցին ի պատասխան, հարցվածների 44.2 տոկոսը պատասխանել է՝ ոչ, 42.8 տոկոսը՝ այո, իսկ 13 տոկոսը՝ դեռ չի կողմնորոշվել:

Ըստ սոցհարցման՝ Թուրքիայի 4 հիմնական կուսակցությունների հանրային աջակցությունն այս պահի դրությամբ այսպիսին է.

Իշխող «Արդարություն և զարգացում» կուսակցություն (AKP-ԱԶԿ) – 33,9%

Գլխավոր ընդդիմադիր «Ժողովրդահանրապետական» կուսակցություն (CHP-ԺՀԿ) - 25.3%

Ազգայնական «Լավ» կուսակցություն (İP) - 12%

Աջակողմյան «Ազգայնական շարժում» կուսակցություն (ԱՇԿ - MHP) - 10.4%

Քրդամետ «Ժողովուրդների դեմոկրատական» կուսակցություն (HDP-ԺԴԿ) - 8.1%

Այն հարցին, թե որն է Թուրքիայի ամենակարևոր խնդիրներց մեկը, մասնակիցների 47.8 տոկոսը նշել է «տնտեսությունը», 16.5 տոկոսը՝ «գործազրկությունը», իսկ 13.2 տոկոսը՝ «կորոնավարակը»:

«Ի՞նչ է Ստամբուլի ջրանցքը» (Kanal) հարցին ի պատասխան՝ հարցվածների 15.4 տոկոսն ասել է, որ այն հեռուստալիք է (Televizyon kanalı), իսկ 47.8 տոկոսը նշել է, որ չգիտի դրա մասին:

Այն հարցին, թե արդյոք վստահում են Թուրքիայի արդարադատությանը, հարցվածների 74.9-ը «ոչ»պատասխանն է տվել:

Այս ենթաբաժնի վերջին նորությունները

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։