Տնտեսական13:13, 15 Հունիս 2021
Էրդողան-Բայդեն հանդիպումից հետո թուրքական լիրան կրկին սկսել է արժեզրկվել դոլարի նկատմամբ
Հունիսի առաջին օրերին ամերիկյան դոլարի նկատմամբ արժեզրկման պատմական ռեկորդ գրանցած թուրքական լիրան վերջին մի քանի օրվա ընթացքում որոշակիորեն վերականգնել էր դիրքերը:
Դա պայմանավորված էր ԱՄՆ-ի ու Թուրքիայի նախագահներ Ջո Բայդենի ու Ռեջեփ Էրդողանի հունիսի 14-ի հանդիպմանն ընդառաջ ձևավորված որոշակի դրական սպասումներով: Այդ իրավիճակում հունիսի առաջին օրերին գրանցված պատմական 1 դոլար / 8.8 լիրա փոխարժեքը նվազել էր մինչև 1 դոլար / 8.28 լիրայի:
Սակայն երեկ Բայդեն-Էրդողան բրյուսելյան հանդիպումից հետո այս միտումը փոխվեց, և թուրքական արժույթը սկսեց կրկին արժեզրկվել ամերիկյան դոլարի նկատմամբ՝ վերջին տվյալներով գրանցելով 1 դոլար/ 8.56 փոխարժեքը:
Թուրքական մամուլի հրապարակումների համաձայն՝ այս իրավիճակը պայմանավորված է նրանով, որ հանդիպման հետ կապված դրական հույսերը չարդարացան: Նշվում է, որ չնայած Էրդողանի ու Բայդենի հայտարարություններին առ այն, որ հանդիպումը դրական է եղել, երկկողմ հարաբերությունների համար խոչընդոտներ ստեղծող մի շարք խնդիրներ չեն ստացել իրենց լուծումները:
Այս ենթաբաժնի վերջին նորությունները
Թուրքիայում իշխող «Արդարություն և զարգացում» կուսակցության նախկին պատգամավոր Մեհմեդ Մեթիները Twitter-ի իր էջում ծաղրանկար է հրապարակել։
Տարեսկզբից մինչև օրս Թուրքիայի դրամական միավորը 24 տոկոսով արժեզրկվել է։
Վերջին ամենացածր ցուցանիշը գրանցվել էր 2008թ. նոյեմբերից (73.9 նիշ) 2009թ. հունվարն ընկած ժամանակահատվածում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի քաղաքացի. «Շատ տխրեցուցիչ է, որ ընդամենը մի փողոց Տատյան Էֆենդիի անունով կոչելը շատ է համարվում»։
Ուշագրավ է, սակայն, որ Թուրքիայի նախագահը՝ ի տարբերություն Իլհամ Ալիևի, իր ելույթի ժամանակ չի օգտագործել «Զանգեզուրի միջանցք» ձևակերպումը։
«Այս պահին այդ ճանապարհների կառուցման աշխատանքները մեծ տեմպով շարունակվում են՝ մի կողմից երկաթուղու, մյուս կողմից մայրուղու»,- ասել է նա։
«Քրդական համայնքների միության» գործադիր խորհրդի համանախագահ Ջեմիլ Բայըքը խոսել է քուրդ-արաբական դաշինքի մասին:
Հոկտեմբերին տարբեր հետազոտական կենտրոններ սոցհարցումներ են իրականացրել Թուրքիայի մի շարք շրջաններում ընտրությունների դեպքում բնակչության կողմնորոշվածությունը պարզելու նպատակով:
Օրացույց
արտարժույթ
| EUR | TRY | USD |
| 549.84 | 90.05 | 485.12 |