Քաղաքական18:03, 15 Հունիս 2021
Էրդողանն ու Ալիևը Շուշիում հռչակագիր են ստորագրել
Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը բռնազավթված Շուշիում ստորագրել են «Շուշիի հռչակագիր» կոչվող մի փաստաթուղթ։
Այն ստորագրելուց հետո Ալիևը հայտարարել է, որ «Շուշիի հռչակագրում» հղում է կատարվում 100 տարի առաջ ստորագրված Կարսի պայմանագրին։
Էրդողանն էլ հայտնել է, որ ամենասեղմ ժամկետներում Շուշիում կբացվի Թուրքիայի գլխավոր հյուպատոսություն։
Հռչակագրում մասնավորապես ասված է․
«Կողմերը, բազմակողմանի ուսումնասիրելով Թուրքիա-Ադրբեջան հարաբերությունների զարգացման և խորացման հեռանկարները, հայտարարում են․
-Ադրբեջանը բարձր է գնահատում այն աջակցությունը, որը Թուրքիան ցուցաբերել է Հայաստանի 30-ամյա բռնազավթմանը վերջ տալու և տարածքների ազատագրելու հարցում։
-Կողմերը շեշտում են, որ կարևոր է Թուրքիայի մասնակցությունը ազատագրված տարածքներում ռուս-թուրքական համատեղ կենտրոնի գործունեությանը:
-Կողմերը միմյանց անհրաժեշտ օգնություն են ցուցաբերելու, եթե որևէ երրորդ երկիր սպառնա կամ հարձակում իրականացնի կողմերից մեկի անկախության կամ տարածքային ամբողջականության նկատմամբ»։
«Շուշիի հռչակագրում» ընդգծվել է, որ Թուրքիայի նկատմամբ Հայաստանի «անհիմն պնդումները», պատմությունը խեղաթյուրելուն ուղղված նախաձեռնությունները վնասում են տարածաշրջանի խաղաղությանն ու կայունությանը:
«Հռչակագրում» նշվել է, որ «Թուրքիան ու Ադրբեջանը միացնող Զանգեզուրի միջանցքի բացումը և Նախիջևան-Կարս երկաթուղին կնպաստեն հարաբերությունների առավել ակտիվացմանը»:
«Շուշիի հռչակագրի» մեջ նշվում է նաև, որ կողմերի Անվտանգության խորհուրդները ազգային անվտանգության հարցերի վերաբերյալ կանոնավոր կերպով համատեղ նիստեր կանցկացնեն:
Այս ենթաբաժնի վերջին նորությունները
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |