Քրդամետ կուսակցությունն արձագանքել է իր դեմ ներկայացված մեղադրական եզրակացությանը

Քաղաքական12:02, 08 Հունիս 2021

Քրդամետ կուսակցությունն արձագանքել է իր դեմ ներկայացված մեղադրական եզրակացությանը

Թուրքիայի քրդամետ «Ժողովուրդների դեմոկրատական» կուսակցությունը (HDP-ԺԴԿ) հայտարարություն է արել երկրի գերագույն դատախազության կողմից HDP-ի վերաբերյալ Սահմանադրական դատարան նոր մեղադրական եզրակացություն ուղարկելու կապակցությամբ:

Կուսակցության սոցցանցի պաշտոնական էջում կոչ է արվում դատել մաֆիայի անդամներին՝ ակնարկելով, որ կառավարության անդամները կապված են հանցախմբի հետ:

«Ոչ թե HDPԿ-ին, այլ մաֆիային դատիր» հեշթեգով արված գրառման մեջ մասնավորապես ասված է. «ԱԶԿ-ի (իշխող «Արդարություն և զարգացում» կուսակցություն AKP -խմբ.) և MHP-ի (ԱԶԿ-ի խորհրդարանական դաշնակից «Ազգայնական շարժում» կուսակցություն) դաշինքի պատմությունը մաֆիան է գրում: HDP-ի պատմությունը ժողովուրդն է գրում: Մաֆիայի վերաբերյալ խոստովանությունների թեմայով ձայն չհանողները ցանկանում են, մեր կուսակցության վրա հարձակվելով, պահպանել իրենց իշխանությունը»:

Թուրքիայում այս օրերին թեժ քննարկումների թեմա է դարձել Թուրքիայի որոշ բարձրաստիճան պաշտոնյաների (մասնավորապես ՆԳ նախարար Սուլեյման Սոյլու) հնարավոր կապը մաֆիայի պարագլուխների հետ:

Քննարկումները սկսվեցին այն բանից հետո, երբ Թուրքիայից փախած ու ԱՄԷ-ում ապաստանած հանցախմբի պարագլուխ Սեդաթ Փեքերը սոցցանցի իր էջի պարբերական ուղիղ եթերների ընթացքում ուշագրավ բացահայտումներ արեց Սոյլուի և այլոց մասին:

Աղբյուր` Ermenihaber.am

Այս ենթաբաժնի վերջին նորությունները

12:24, 06 հուն

Թուրքիայում ավտոբուս է կողաշրջվել. կա զոհ ու ավելի քան 20 վիրավոր

Վիրավորները հոսպիտալացվել են մոտակա հիվանդանոցներ, սկսվել է հետաքննություն։

16:15, 05 հուն

Թուրքիան ընտրվել է ՄԱԿ տնտեսական և սոցիալական խորհրդի անդամ

Նորընտիր անդամները պաշտոնը կստանձնեն 2026 թվականի հունվարի 1-ից։

15:18, 05 հուն

Փաշինյանը հեռախոսազրույց է ունեցել Էրդողանի հետ

Զրուցակիցները քննարկել են Հայաստան–Թուրքիա հարաբերություններին և տարածաշրջանային զարգացումներին վերաբերող հարցեր, պայմանավորվել շարունակել երկխոսությունը։