Ռազմական11:51, 07 Հունիս 2021
Մոսկվան հայտարարում է, որ Թուրքիան չի պատրաստվում վերանայել S-400-ների հարցը ԱՄՆ-ի ճնշման ներքո
Ռուսաստանը չի պատրաստվում վերանայել ռուսակամ S-400 զենիթահրթիռային համակարգերի վերաբերյալ Թուրքիայի հետ ստորագրած պայմանագիրը։ Այս մասին հայտնել է Ռուսաստանի Ռազմատեխնիկական համագործակցության դաշնային ծառայության ղեկավար Դմիտրի Շուգաևը։
«Այս պահի դրությամբ ԱՄՆ-ն ճնշում է գործադրում Թուրքիայի վրա, բայց թուրքական կողմը չի պատրաստվում վերանայել այս հարցը։ Մենք որևէ ազդակներ չենք ստացել»,- ասել է Շուգաևը։
Վերջինս ընդգծել է, որ ռուս-թուրքական համագործակցությունը ռազմական ոլորտում շարունակում է զարգանալ։
«Մեզ մոտ կա հստակ աշխատանքային պլան և դա ոչ մեկ կասկածի տակ չի դնում։ Թուրքիայում այժմ կան բավականաչափ ռուս մասնագետներ, ովքեր սպասարկում են ռուսական ՀՕՊ համակարգերը։ Խոսք լինել չի կարող ռուս մասնագետների՝ Թուրքիայից հեռանալու մասին։ Մեր մասնագետները կվերադառնան հայրենիք իրենց աշխատանքը և պարտականությունները կատարելուց հետո միայն։ Ամեն ինչ տեղի է ունենում ըստ պայմանագրի։ Ամենակարևորն այն է, որ թուրք գործընկերների մոտ դրական տրամադրվածություն կա և կա զգացում, որ նրանք ցանկանում են շարունակել համագործակցությունը»,- ասել է Շուգաևը:
Այս ենթաբաժնի վերջին նորությունները
Ներկայացված նախագծերից մեկով պահանջվել է հարկադրել Ադրբեջանին՝ վերադարձնել հայ գերիներին։
ԱՄՆ-ն արդեն հասցրել է մի շարք պատժամիջոցներ սահմանել Թուրքիայի նկատմամբ:
Ուկրաինացի պաշտոնյան նշել է, որ Կիևը հույս ունի, որ հետագայում թուրքական ԱԹՍ-ները կարտադրվեն Ուկրաինայում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Էրդողանը նշել է, որ միջանցքը բացել-չբացելու հարցը քաղաքական խնդիր է։
Օրացույց
արտարժույթ
| EUR | TRY | USD |
| 549.84 | 90.05 | 485.12 |