Թուրքիայում գտնվող 605-ամյա Արմաշի հայկական վանքը լքված և անմխիթար վիճակում է

Մշակութային13:58, 07 Հունիս 2021

Թուրքիայում գտնվող 605-ամյա Արմաշի հայկական վանքը լքված և անմխիթար վիճակում է

Ներկայիս Թուրքիայի արևմտյան Իզմիթի շրջանում գտնվող 605-ամյա Արմաշի Չարխափան Սուրբ Աստվածածին հայկական վանքը լքված ու անմխիթար վիճակում է:

Աղյուսաշեն վանքի տարածքում, որտեղ 1889-ականներին կառուցվել է դպրատուն, այսօր կիսավեր է և ամբողջովին խոտերով ծածկված: Բացի այդ տեղի բնակիչները վանքի ողջ տարածքը աղբավայրի են վերածել:

Չնայած այս ամենին՝ բնակիչները ցանկանում են վերականգնել վանական համալիրը և այն վերածել զբոսաշրջային կենտրոնի: Նրանք այդ հարցով դիմել են Քոջաելիի քաղաքապետարան:

Թուրքական «NTV» լրատվական կայքը, անդրադառնալով վանքի ներկա վիճակին, հայտնել է, որ առաջիկայում սպասվում է վանքի կվերականգնում:

Աքմեշեի (Արմաշ) գյուղապետ Ռահիմ Վարոլը պատմել է, որ Արմաշի դպրատունը Թուրքիայի ամենահին դպրատներից մեկն է:

Վարոլի փոխանցմամբ՝ Աքմեշեի գործարարներից մեկի մեկենասությամբ վանքի տարածքում վերականգնման աշխատանքներ էին սկսվել, բայց հետո որոշ պատճառներով դադարեցվել:

Հիշեցնենք, որ Արմաշի Չարխափան Սուրբ Աստվածածին հայկական վանքը հիմնադրվել է 1416-ին: Մինչ Արմաշ գյուղի հիմնումը բնակավայրը եղել է հունաբնակ: 1416-ին հույները հրդեհել և լքել են այն, և այդտեղ են հաստատվել Մարաշից գաղթած ու հարևանությամբ ապաստանած հայերը: Տեղանունը «Մարաշի» տարափոխված վերաձայնությունն է:

Մինչև Կ. Պոլսի հայոց պատրիարքության ստեղծումը (1461) Արմաշի Չարխափան Ս. Աստվածածին վանք եղել է Արևելյան Թրակիայի վանական կենտրոնը: 18-րդ դարում վանքի տարածքում հիմնվել է մատենադարանի շենքը, իսկ 1804-ին Չակր Հասանն իր թշնամուն ապաստան տալու համար իբրև վրիժառություն ավերել է վանքը: 1820թ. վանքը վերակառուցվել է, 1864-ին ստեղծվել է տպարան: Կ. Պոլսի հայոց պատրիարք (1888–94) Խորեն Աշըգյանը չի հրաժարվել Արմաշի վանքը «թրքահայոց Վենետիկը» դարձնելու նվիրական ծրագրից և 1889-ին պատմական համալիրի տարածքում հիմնել է դպրատունը:

Արմաշի Չարխափան Սուրբ Աստվածածին վանքը եղել է նաև գրչության կենտրոն:

Աղբյուր` ntv.com.tr

Այս ենթաբաժնի վերջին նորությունները

19:47, 08 սեպ

Աղթամար կղզու հայկական եկեղեցում մատուցվել է 12-րդ պատարագը (լուսանկարներ)

Ermenihaber.am-ի հետ զրույցում պատարագի մասնակիցները, ովքեր եկել էին Հայաստանից, կիսվել են իրենց տպավորություններով։

11:57, 04 սեպ

Թուրքիայի բարձրագույն կրթության խորհրդի և Աֆրիկյան միության միջև համաձայնագիր է ստորագրվել

Ստորագրման արարողությանը ներկա են գտնվել Անկարայում աֆրիկյան երկրների դեսպաններն ու ներկայացուցիչները։

14:24, 30 օգոս

Սեպտեմբերի 8-ին Աղթամար կղզու Սուրբ Խաչ եկեղեցում կմատուցվի 12-րդ պատարագը

Մեկնարկել են Վանա լճի Աղթամար կղզու հայկական Սուրբ Խաչ եկեղեցում այս տարի անցկացվելիք պատարագի նախապատրաստական աշխատանքները:

Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում

Թուրքիայի նախագահ Ռեջեփ Թայիփ Էրդողան

ամենաշատ ընթերցված

Գերմանիան Թուրքիային 336 մլն եվրոյի զինամթերք կմատակարարի

Նման որոշում կայացվել է Գերմանիայի դաշնային անվտանգային խորհրդի գաղտնի նիստի ընթացքում:

Թուրքիան հումանիտար օգնություն է ուղարկել Բոսնիա և Հերցեգովինա

Թուրքիայի նախագահը սոցցանցում կատարած գրառմամբ հայտնել է, որ Թուրքիան տեղի ունեցած ջրհեղեղի հետևանքները հաղթահարելու համար սնունդ և ապաստանվելու պարագաներ է ուղարկել:

Թուրքիան ռազմագործողություն է իրականացրել Իրաքի հյուսիսում

Թուրքիայի ՊՆ հաղորդագրության համաձայն՝ սեպտեմբերի 28-ից 29-ն ընկած ժամանակահատվածում վնասազերծվել է իրենց կողմից ահաբեկչական ճանաչված PKK-ի 12 զինյալ: