Թուրքիայում 2021թ. առաջին 5 ամսում տղամարդիկ 136 կին են սպանել

Հասարակական10:08, 03 Հունիս 2021

Թուրքիայում 2021թ. առաջին 5 ամսում տղամարդիկ 136 կին են սպանել

Թուրքիայում շարունակվում են կանանց նկատմամբ բռնություններն ու հանցագործությունները: Թուրքական Bianet լրատվական կայքը տվյալներ է հրապարակել 2021-ի մայիսին տղամարդկանց կողմից սպանված կանանց թվի վերաբերյալ:

Նշվում է, որ Թուրքիայում մայիսին տղամարդիկ 18 կին են սպանել, որոնցից մեկը՝ սիրիացի արաբ:

Ըստ հրապարակված տվյալների՝ հաշվետու ժամանակահատվածում տղամարդիկ առնվազն մեկ երեխա են սպանել, 16 երեխայի բռնի շահագործել են, 67 կնոջ նկատմամբ բռնություն են կիրառել և 9 կնոջ էլ սեռական ոտնձգության են ենթարկել:

Սպանված կանանցից 10-ը ստացել է հրազենային վիրավորում, 1-ին խեղդամահ են արել, 7-ին վիրավորում են հասցրել կտրող-ծակող գործիքով:

Իսկ «Վերջ ենք տալու կանանց սպանություններին» նախաձեռնության հրապարակած տվյալներով՝ տղամարդկանց կողմից սպանված կանանց թիվը 21 է, ընդ որում 18-ի սպանությունը տեղի է ունեցել կասկածելի հանգամանքներում:

2021թ. առաջին 5 ամիսներին Թուրքիայում ընդհանուր առմամբ 136 կին են սպանել, 50 կնոջ նկատմամբ բռնություն գործադրել, 50 երեխայի նկատմամբ ոտնձգություն կատարել, 48 կնոջ բռնաբարել և առնվազն 320 նկատմամբ բռնություն կիրառել:

Հիշեցնենք, որ միայն 2020թ. Թուրքիայում տղամարդկանց կողմից 300 կին էր սպանվել, իսկ կասկածելի հանգամանքներում 171 կնոջ դի էր հայտնաբերվել: Ընդ որում հանցագործությունների մեծ մասը կատարվել էր տներում:

Աղբյուր` bianet.org

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։