Քաղաքական16:34, 12 Մայիս 2021
Պուտինն ու Էրդողանը քննարկել են պաղեստինաիսրայելական վերջին զարգացումները
Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի միջև հեռախոսազրույց է տեղի ունեցել: Այս մասին հաղորդագրություն է հրապարակել Թուրքիայի նախագահի աշխատակազմի հանրային կապերի վարչությունը:
Հայտարարության մեջ նշվել է, որ նախագահները քննարկել են Պաղեստինում տեղի ունեցող զարգացումները, ինպես նաև Թուրքիային ռուսական արտադրության «Սպուտնիկ Վ» պատվաստանյութի մատակարարումների վերաբերյալ հարցեր:
Հեռախոսազրույցի ընթացքում Էրդողանը նշել է, որ Երուսաղեմում, Գազայում և Ալ-Աքսա մզկիթում պաղեստինցիների դեմ Իսրայելի հարձակումներին միջազգային հանրությունը պետք է հուժկու և կանխարգելիչ դաս տա:
Թուրքիայի նախագահը կարևորել է նաև ՌԴ արտգործնախարարության հայտարարությունը, որտեղ Ռուսաստանը Պաղեստինի հարցում մատնանշել է ՄԱԿ-ի պարամետրերը և «2 պետություն» մոդելով լուծումը:
Նրա խոսքով՝ կարևոր ուղերձ է այն, որ Թուրքիան և Ռուսաստանը ցույց են տվել Երուսաղեմի հարցում իրենց միակարծությունը:
Ըստ Էրդողանը՝ կարևոր է, որ ՄԱԿ-ի ԱԽ-ն միջամտի խնդրին, քանի դեռ այն ավելի չի խորացել: «Անհարժեշտ է, որ ՄԱԿ ԱԽ-ն Իսրայելի հարձակումները կանգնեցնելու հարցում վճռական և հստակ ուղերձներ հղի»:
Էրդողանը նաև նշել է, որ նույն կերպ պետք է աշխատել պաղեստինցի քաղաքացիական բնակչությանը պաշտպանելու համար միջազգային խաղաղապահ զորք տարածաշրջան ուղարկելու գաղափարի վրա: Վերջում հույս է հայտնել, որ Թուրքիան և Ռուսաստանը ՄԱԿ-ում կհամագործակցեն բոլոր այս թեմաների շուրջ:
Այս ենթաբաժնի վերջին նորությունները
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
ԱՄՆ-ի ու Հորդանանի կողմից ներկայացվել է «Ճանապարհային քարտեզ»։
Հաքան Ֆիդանը և Բադել Աբդելալաթին քննարկել են Գազայում տիրող իրավիճակը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անիի կամուրջը, կառուցվել է 10-11-րդ դարերում հայոց արքայատոհմ Բագրատունիների կողմից։
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Իրավաբանները նշում են, որ սահմանափակումն իրականացնելու իրավական հիմքը հանդիսանում է Թուրքիայի 5651 օրենքի 8/A հոդվածը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |