Թուրքիայի իշխանությունն ու ընդդիմությունը իրար մեղադրում են մաֆիայի հետ կապված լինելու մեջ

Քաղաքական12:21, 12 Մայիս 2021

Թուրքիայի իշխանությունն ու ընդդիմությունը իրար մեղադրում են մաֆիայի հետ կապված լինելու մեջ

Թուրքիայի իշխանություններն ու գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) միջև շարունակում են փոխադարձ մեղադրանքները մաֆիայի հետ կապված լինելու մեջ:

Մշտապես իրար բազմապիսի մեղադրանքներ ուղղող CHP-ն ու իշխող «Արդարություն և զարգացում» կուսակցությունը (AKP-ԱԶԿ) ներկայացնող կառավարության անդամների միջև մաֆիայի թեմայով մեղադրանքները սկսել էր այն բանից հետո, երբ CHP-ի ղեկավար Քեմալ Քըլըչդարօղլուն իշխանություններին մեղադրել էր մաֆիայի պարագլուխներին հովանավորելու մեջ: Որպես իր ասածի ապացույց Քըլըչդարօղլուն պնդել էր, որ իշխանությունները լավ իմացել են Թուրքիայում հայտնի մաֆիայի պարագլուխ Սեդաթ Փեքերի հանցագործությունների մասին, սակայն վերջինիս համար երկրից հեռանալու հնարավորություն են ստեղծել, ապա նոր հետախուզում հայտարարել:

Այս պնդմանն ի պատասխան՝ Թուրքիայի ՆԳ նախարար Սուլեյման Սոյլուն հայտարարել է, որ ընդդիմության առաջնորդը զրպարտում է իրենց ու CHP-ին անվանել է քաղաքական մաֆիա:

Դրանից հետո Քըլըչդարօղլուն կուսակցական կոմիտեի նիստում ասել է, որ Թուրքիան կառավարվում է եռակողմ դաշինքի կողմից, որի անդամներն են կառավարող AKP-ն, դրա խորհրդարանական դաշնակից «Ազգայնական շարժում» կուսակցությունը (MHP-ԱՇԿ) և մաֆիան:

«Թուրքիան կառավարվում է այս եռանկյունու կողմից: Երեքի հատման կետում էլ ներքին գործերի նախարար Սուլեյման Սոյլուն է»,- ասել է Քըլըչդարօղլուն:

Աղբյուր` Ermenihaber.am

Այս ենթաբաժնի վերջին նորությունները

16:00, 18 հուն

ԵԽ-ում Թուրքիայի հարցերով զեկուցող. «Պետք է վերջ տրվի ԺԴԿ-ի դեմ իրականացվող քաղաքական արշավին»

Նաչո Սանչես Ամորն դատապարտել է Թուրքիայի Իզմիր քաղաքում քրդամետ ընդդիմադիր «Ժողովուրդների դեմոկրատական կուսակցության» գրասենյակի վրա զինված հարձակումը:

17:26, 17 հուն

Էրդողանի անդրադարձը «Շուշիի հռչակագրին» և «Զանգեզուրի միջանցքին»

Լրագրողի հարցին, թե արդյոք «Շուշիի հռչակագրով» նախատեսվում է թուրքական ռազմաբազա բացել Ադրբեջանում, Էրդողանը պատասխանել է.

13:26, 17 հուն

Թուրք մարզիկը պատմել է, թե ինչպես է Անկարան արտերկրում թիրախավորում Թուրքիայից հեռացած այլախոհներին

Վերջին տարիներին Թուրքիայի հետախուզական ծառայությունը (MİT) արտասահմանում ձերբակալել ու Թուրքիա է տեղափոխել բազմաթիվ թուրք այլախոհների և ընդդիմադիրների:

Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում

Թուրքիայի նախագահ Ռեջեփ Թայիփ Էրդողան

ամենաշատ ընթերցված

Թուրքիայում հարձակվել են ընդդիմադիր կուսակցության գրասենյակի վրա և սպանել աշխատակցին

Հատկանշական է, որ հանցագործը դեպքից մեկ օր առաջ սոցցանցում հակահայկական գրառում է արել: Նա, սպառնալով հայերին, գրել է, որ ինքը վրեժով է լցված և ստիպելու է, որ հայի արյուն թափվի:

Թուրք վերլուծաբան. «Էրդողանը խաղից դուրս է թողել պետական կառույցներին»

Յեթքինն հերթական սյունակում անդրադարձել է Թուրքիայի նախագահ Ռեջեփ Էրդողանի պետական կառույցների գործառույթները սահմանափակող կամ դրանք շրջանցելուն միտված քաղաքականությանը: