Թուրք ազգայնական գործիչը քննադատել է ընդդիմադիր ուժերի լռությունը Բայդենի հայտարարությունից հետո

Քաղաքական15:36, 26 Ապրիլ 2021

Թուրք ազգայնական գործիչը քննադատել է ընդդիմադիր ուժերի լռությունը Բայդենի հայտարարությունից հետո

Թուրքիայում ազգայնական ուղղվածություն ունեցող և «Գորշ գալերի» քաղաքական թևը համարվող «Ազգայնական շարժում» կուսակցության (ԱՇԿ-MHP) խորհրդարանական խմբակցության ղեկավար Էրքան Աքչայը քննադատել է մեկ այլ ազգայնական ուղղվածության «Լավ» (İyi) կուսակցությանը և քեմալիստական «Ժողովրդահանրապետական» կուսակցությանը (CHP) ԱՄՆ նախագահ Ջո Բայդենի հայտարարությունից հետո լռություն պահպանելու մեջ։

Ազգայնական գործիչը նշել է նաև, որ քրդամետ «Ժողովուրդների դեմոկրատական կուսակցությունը» (HDP) «դավաճանական» հայտարարությամբ է հանդես եկել ցեղասպանության վերաբերյալ, իսկ վերոնշյալ ուժերը նույնպես «դավաճանական» լռություն են պահպանել։

Էրքան Աքչայը քրդամետ կուսակցությանը մեղադրել է ատելություն տարածելու և ահաբեկչությանն աջակցելու մեջ։

Նրա խոսքով՝ բոլոր ընդդիմադիր ուժերը «խոսքները մեկ են արել» և ԱՄՆ-ին, Բայդենին անհրաժեշտ պատասխան տալու փոխարեն Թուրքիայի իշխանություններին են քննադատում։

Աղբյուր` Sabah

Այս ենթաբաժնի վերջին նորությունները

13:34, 25 հունվ

Hürriyet. «Առաջիկայում օրակարգ կգա ՀՀ-ից Թուրքիայի այլ նահանգներ ևս թռիչքներ սկսելու հարցը»

Կարծիքներ են կան այն մասին, որ հատկապես Վանը հայերի համար կարող է զբոսաշրջային կենտրոնի վերածվել:

18:34, 24 հունվ

Wall Street Journal. «Ինչ է լինելու Թուրքիային F-16 կործանիչներ վաճառելու հարցը»

Վերլուծաբանների կարծիքով այս գործարքի իրականանալու դեպքում կլուծվի ՆԱՏՕ-ի շրջանակներում 2 դաշնակից պետությունների հարաբերություններում առաջացած կնճռոտ հարցերը: