Բայդենի հայտարարությունից հետո Պակիստանն իր աջակցությունն է հայտնել Թուրքիային

Քաղաքական12:52, 26 Ապրիլ 2021

Բայդենի հայտարարությունից հետո Պակիստանն իր աջակցությունն է հայտնել Թուրքիային

Թուրքիայի «Anadolu» պետական լրատվական գործակալությունը հայտնել է, որ Պակիստանի արտգործնախարար Շահ Մահմուդ Քուրեյշին ԱՄՆ նախագահ Ջո Բայդենի՝ Հայոց ցեղասպանությունը ճանաչող հայտարարությունից հետո իր աջակցությունն է հայտնել թուրքական կողմին:

Հրապարակման մեջ նշվել է, որ Քուրեյշին զանգահարել է Թուրքիայի արտգործնախարար Մևլութ Չավուշօղլուին:

Իսկ Պակիստանի արտաքին գործերի խոսնակ Զահիդ Հաֆըզ Չավդրին ներկայացրել է այս հարցում Իսլամաբադի տեսակետը, ըստ որի՝ «պատմական իրադարձությունների միակողմանի մոտեցումները և քաղաքականացումը կարող են հանգեցնել ժողովուրդների միջև վստահության նվազմանը և տանել բևեռացման»:

Չավդրիի գնահատմամբ՝ «1915-ի դեպքերի մասին ճշմարտությունը» բացահայտելու համար պատմաբանների համատեղ հանձնաժողով ստեղծելու Թուրքիայի առաջարկը «կառուցողական է»:

Այնինչ ճշմարտությունը վաղոցւ արդեն բացահայտված է. Հայոց ցեղասպանությունը բավարար չափով փաստագրված ու փաստարկված է։

Աղբյուր` Ermenihaber.am

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։